Lalpain anni chu Israelhai hmaa chun a sukbuoi ta a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.
Chun, Israel mihai hmaa an tlânsie a, Beth-horona inthawka liem thlâkna hmuna an um lai chun Lalpain vâna inthawkin riel lientak takin Azeka chenin a zuk indêngtir pei a, an thi a, Israelhaiin kâwlhnâma an sât hlum nêk hmanin riel dêng hlum chu an tam lem a nih.
Chuongchun, Lalpain Amor mihai chu Israelhai kuta a pêk ni chun Josua chun Lalpa kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta
Chun, Lalpain Sisera le a tawlailîrhai po po le a sipaihai po po chu Barak hmaa chun kâwlhnâmin a sukbuoi tâwl ta a; Sisera chu a tawlailîra inthawk chun a ṭum a, kein a tlân hmang ta dai a.
Chun, Samuelin pumrawhmang thilinhlân ân hlân lai tak chun Philistin mihai chun Israel mihai chu thaw dingin an hung hnai a, nisienlakhawm, chu ni chun Lalpain Philistin mihai chungah vân nasatakin ân rûmtir ta dur dur el a, a sukbuoi ta a; Israel mihai hmaa chun an tlâwm ta dêr el a.