RORELTUHAI 4:19 - Pathien Lekhabu Inthieng (BSI)

¹⁹ Sisera chun, “Ka hni che hi, tui tlâwmte dâwn ding mi hung pe ta, ka dang a châr êm el,” a ti a. Amanu chun nênetui bâwm a hang hawng a, ân dâwntir a, ama chu ân khum nâwk ta a.

RORELTUHAI 4:19 Iomraidhean Croise

INṬANNA 24:43

en ta, tuikhur kâwlah ka ngîr hi: chun, hieng ang hin ni raw se, nunghâk tui chawi dinga hung suok tu kuoma khawm, “Lunginsiettakin dâwn dingin i tuibêla tui kha tlâwmte mi pe ta,” ka ti a:

1 LALHAI 17:10

Chuongchun, a tho a, Zarephath khuoa chun a fe ta a; chun, chu khaw kul kawtkhâr chu a va tlung chun, ngai ta, hmeithai pakhat thing inkhâwm hi a lo um a; ama chu a hang ko a, bêlin tui tlâwmte mi hung lapêk ta, hang dâwn ka tih,a ta.

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

JOHAN 4:7

Samari nuhmei pakhat tui chawi dingin a hung a, Isûn a kuomah, “Dâwn ding mi pe rawh,” a ta.

RORELTUHAI 4:18

Chun, Jael chu Sisera tuok dingin a hung suok a, a kuomah, “Ka lalpa, hung lût rawh, ka kuomah hung lût la, ṭi naw rawh,” a ti a. Chuongchun, puon in sûngah chu minu kuoma chun a lût ta a, ama chun puonin a lo inkhum a.

RORELTUHAI 4:20

Sisera chun, “Puon in kawtkhâra khan ngîr la, chun, ‘Hitaka hin mi an um am?’ tia an hung indawn che chun, ‘An um nawh,’ lo ti pei rawh,” a ti a.

RORELTUHAI 5:24

Nuhmei lai poa chun Jael Ken mi Heber nuhmei hi hamṭha nîng a tih.