RORELTUHAI 4:16 - Pathien Lekhabu Inthieng (BSI)

¹⁶ Barak chun tawlailîrhai le sipaihai chu Jentailhai ram Haroseth chenin a hnawt a; chuongchun, Sisera sipaihai po po chu kâwlhnâmin an that vawng a, pakhat khawm dam an um nawh.

RORELTUHAI 4:16 Iomraidhean Croise

INPÂKNA HLABU 104:35

Mi suolhai chu hnuoia inthawk hin sukbohmangin um hai sienla, Mi rilohai chu um ta naw raw hai se! Aw ka hringna, Lalpa chu inpâk rawh! Lalpa chu inpâk ro!

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

INPÂKNA HLABU 83:9

Annirawi chu Midianhai chunga i thaw ang dâm, Kison vadunga Sisera chunga i thaw ang dâm, Jabin chunga i thaw ang khan thaw ve rawh.

FESUOKNA 14:28

Tui chu a kîr nâwk a, sakawr tawlailîrhai, sakawr chung chuong mihai le, Pharao sipai ruol, an hnunga hung hnawttuhai ngei chu ân khum ta vawng a, pakhat khawm hlain an um ta naw a.

ISAI 43:17

tawlailîr le sakawr, sipaihai le thilthawtheina ṭhuoi suoktu chun (chuonghai chu ân zâl khâwm rum a, tho nâwk ta naw ni hai a, an chimit zo a, khâwnvar phita sukmit angin sukmitin an um tah) hieng ang hin a tih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:12

Tûkhawm Dân nei lova thil suksuol chu Dân boin bohmang a ta; chun, tûkhawm Dân nei zinga suksuol chu, Dâna rêlpêkin um a tih.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

JOSUA 10:10

Lalpain anni chu Israelhai hmaa chun a sukbuoi ta a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

JOSUA 11:8

Chun, Lalpain anni chu Israelhai kutah a pêk a, an thaw a, Zidon Ropui chen dâm, Misrephoth-maim hmun chen dâm, saktieng panga Mizpe ruom chen dâmin an hnawt a; pakhat khawm hla hrim hrim nei lovin an that vawng a.

RORELTUHAI 4:17

Sisera ruok chu Ken mi Heber nuhmei Jael puon inah kein a tlân lût a; Hazor lal Jabin le Ken mi Heber sûnghai chu inrem zing an ni a.

RORELTUHAI 4:2

Chuongchun, Hazor khaw ṭhuttu Kanaan ram lal Jabin kuoma chun Lalpain anni chu a zawr ta a, chu mipa sipai hotu tak chu Sisera a ni a, Jentailhai ram Haroseth-a um a nih.