RORELTUHAI 3:7 - Pathien Lekhabu Inthieng (BSI)

⁷ Chun, Israel thlahai chun Lalpa mithmuah thil suol an lo thaw a, Lalpa an Pathien chu an theinghil a, Baalhai le Aserah rawng an bâwl a.

RORELTUHAI 3:7 Iomraidhean Croise

1 LALHAI 16:33

Chun, Ahab chun Asera a siem a; a hmaa Israel lalhai po po nêkin Ahab chun Lalpa Israelhai Pathien suklungsenna dingin thil a thaw nasa bîk a nih.

1 LALHAI 18:19

Chuleiin, tuhin Israelhai po po le Baal zâwlnei za li le sâwmnga leh, Asera zâwlnei, Jezebel dawkâna thlaithlêng awt ve hlakhai za li kha ka kuomah Karmel tlângah vân ko khâwmtir rawh,” a ta.

2 LALHAI 23:14

Chun, lungphunhai chu a suknâwi vawng a, Aserahai chu a phûrthlûk a, chuong hmunhaia chun mihriem ru a sie ta a.

2 LALHAI 23:6

Chun, Lalpa ina Asera chu Jerusalem puotieng, Kidron vadungah a lâk suok a, Kidron vadunga chun a raw a, a sir nawi dap a, a nawi chu mi narânhai thlânah a the a.

2 CHANCHIN SUINA 15:16

Lal Asa chun a nu Maaka khawm chu Asera ta dingin lim tirdakum chu a siem leiin lalnu a ninaa inthawk chun a bân bawk a; chun, Asa chun a milim chu a phûr thlûk a, a suknâwi vawng a, Kidron vadungtêa chun a raw ta a.

2 CHANCHIN SUINA 24:18

An thlatuhai Pathien Lalpa in chu an nghatsan a; milimhai le Asera rawng chu an bâwl ta a; chuongchun, hi an rîtlona lei hin Jerusalem le Juda ram chunga chun lungsenna a hung tlung ta a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 33:3

A pa Hezekiain a lo suksiet ta hnung bâwlhmunhai kha a siem ṭha nâwk a; Baal ta dingin maichâmhai a dâw thar nâwk bawk a; Asera a siem a, vâna thil umhai po po chu chibai a bûk a, an rawng a bâwl bawk a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.

2 CHANCHIN SUINA 34:7

Chun, maichâmhai chu a sukchim a, Asera chu, milim a kera kerhai le chun a vuok nâwi vawng a, Israel ram po poa inthawk chun nisa milimhai po po chu a phûr thlûk vawng a, Jerusalema chun a kîr nâwk ta a.

INPÂKNA HLABU 106:35

Hnam tin chu an pâwl a, An thilthawhai chu an inchûk lem a.

INPÂKNA HLABU 106:36

A milim rawnghai an bâwl a, Chuong chu an ta dingin châng a lo ni tah.

INPÂKNA HLABU 106:7

Kan thlatuhai khan Aigupta rama khan i thilmak thawhai kha an hriet thiem naw a, I ngilneina nasatak kha an hriet zing ta naw a, Tuipui Sen-a khan, A Chunghnungtak lakah an hel ta lem a.

FESUOKNA 34:13

Amiruokchu, an maichâmhai chu kei chim in ta, an milimhai chu vaw nawi vawng in ta, an pathiennu Asera lim khawm chu phûr thlûng in tih:

JEREMIA 23:27

an thlatuhaiin Baal leia ka hming an theinghil anga, mi tinin mâni tuolbâwmhai kuomah an manghai an hrilin ka mihai chu ka hming intheinghiltir dingin an ngaituo a.

DÂN PAHNINA 16:21

“Lalpa in Pathien maichâm in lân ngîr ding sîra chun thing ieng chi khawma Asera in inngîr ding a ni nawh.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

DÂN PAHNINA 8:11

“A thupêkhai, a thuruothai, a rorêlhai, vawisûna ka pêk cheu hi zâwm lovin Lalpa in Pathien chu theinghil khat rawi in tih, fîmkhur ro;

DÂN PAHNINA 8:14

in lungril hung chapo a ta, suok in nina Aigupta rama inthawka ṭhuoi suoktu cheu Lalpa in Pathien chu theinghil hlau rawi in tih.

DÂN PAHNINA 8:18

Tuta a nghet anga in pi le puhai kuoma inkhâmna thu a thlung chu a suknghetna dingin Lalpa in Pathien chu hre zing ro, sum le pai themsuok theina petu cheu chu ama chu a ni lem a nih.

RORELTUHAI 3:12

Chun, Israel thlahai chun Lalpa mithmuah thil suol an thaw nâwk ta a; chuongchun, Lalpa mithmuah thil an lo suksuol lei chun Lalpain Moab lal Eglon chu Israelhai chunga hrâtin a siem a.

RORELTUHAI 3:8

Chuongchun, Lalpa chu Israelhai chunga chun a lunginsen ta a, Mesopotamia ram lal Kushan-risathaim thu hnuoia chun kum riet an um a.

RORELTUHAI 6:25

Chu zân ma chun Lalpain a kuomah, “I pa bâwngchal, bâwngchal pahnina, kum sari mi chu la la, i pa inei Baal maichâm hi sukchim la, a bula Asera hi phûr rawh,

RORELTUHAI 8:33

Chun, Gideon a thi phing chun Israel mipui chu an hnungtawl nâwk nghâl ta a. Baalhai kuoma chun, an hung uire ta a, Baal-berith chu an pathienah an hung siem a.

RORELTUHAI 8:34

Chun, Israel mipui chun an vêla hmêlmahai po poa inthawka sansuoktu Lalpa an Pathien chu an hriet ta naw a;

1 SAMUEL 12:10

Chun, Lalpa chu an ko a, ‘Lalpa chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawngbâwl kan tih,’ an ta.

1 SAMUEL 12:9

Nisienlakhawm, Lalpa an Pathien chu an theinghil a; chun, ama chun Hazor sipai hotu Sisera kuta le Philistin mihai kuta le, Moab lal kutah a zawr a, chun, anni chun an do a.