RORELTUHAI 3:10 - Pathien Lekhabu Inthieng (BSI)

¹⁰ Lalpa thlarau chu a chungah a hung a, chuongchun, Israelhai ro chu a rêlpêk ta a; râl do dingin a vân thawk a; chun Lalpain Mesopotamia ram lal Kushan-risathaim chu a pêk a; Kusan-risathaim chu a hne a.

RORELTUHAI 3:10 Iomraidhean Croise

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung ta a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si che a,” a ta. Chun, David chun anni chu a lâwmlût ta a, sipai pâwl hotuhaiah a siem tâwl ta a.

2 CHANCHIN SUINA 15:1

Chun, Oded naupa Azaria chunga chun Pathien thlarau a hung a;

2 CHANCHIN SUINA 20:14

Chun, Asaph naupasalhai Levi mi, Mattania naupa, Jeiel naupa, Benaia naupa, Zekaria naupa, Jahaziel chunga chun mipui inkhâwmhai laia chun Lalpa thlarau a hung tlung a;

INPÂKNA HLABU 51:11

I kuoma inthawk hin mi peihâwn naw la, I Thlarau Inthieng hi mi lapêk naw rawh.

NAMBAR 11:17

Chuongchun, hung ṭum ka ta, chutaka chun hung bieng ka ti che; chun, nangmaa thlarau chu an chunga chun sieng ka ta; nanga khâta phur lovin, mipuihai rikphur chu phurpui an ti che.

NAMBAR 11:25

Chuongchun, Lalpa chu sûma chun a hung ṭum a, a hung biek a, amaa thlarau chu upa sâwmsari hai chunga chun a sie a. Thlarâu chu an chunga a hung um phingleh thu an hril ta duol a; nisienlakhawm, chuong ang chun an thaw an thaw nâwk ta nawh.

NAMBAR 11:29

Mosie chun a kuomah, “Keia leia ngaimaw am i nih? Lalpa mihai po po chu zâwlnei ni vawng hai sienla. Lalpain an chungah a thlarau chu sie seng sienla ti nâklaiah,” a ta.

NAMBAR 24:2

Chun, Balaam chu vântieng a tang a, Israel mihai chu a hnam hnama um chu a hmu a, chun, Pathien thlarau a chungah a hung tlung a.

NAMBAR 27:18

Chun, Lalpain Mosie kuomah, “Nun naupa mi lungril neitak Josua chu ṭhuoi la, a chungah i kut innghat la,

HEBRAIHAI 6:4

Chun, vawikhat lungril sukvara lo um tah, vân thilpêk intem ta a, Thlarau Inthieng changtu ni ta a,

RORELTUHAI 11:29

Chuongchun, Lalpa thlarau chu Jepthah chungah a hung tlung a, Gilead le Manasse ram a fe thleng a, Gilead rama Mizpa a fe thleng a, chun, Gilead rama Mizpaa inthawk chun Ammon mihai kuomah a fe pei a.

RORELTUHAI 11:32

Chuongchun, Jepthah chu Ammon mihai do ding chun a fe ta a; chun, Lalpain a kutah a pêk ta a.

RORELTUHAI 13:25

Chun, Zora le Estaol inkâra Mahane-dana chun Lalpa thlarauin ama chu a khîkhar ṭan ta a.

RORELTUHAI 14:19

Chun, Lalpa thlarau chu a chungah nasatakin a hung tlung a, chun Askelonah a zu fe a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk ta a. Lungsen êm êmin a pa in tieng a kîr nâwk ta a.

RORELTUHAI 14:6

Chun, Lalpa thlarau chu a chungah nasatakin a hung tlung a, chuongchun, kêlte kei nâwi takin a kei nawi el ta a, iengkhawm a chawi si naw a; nisienlakhawm, a thil thaw chu a nu le pa chu a hril nawh.

RORELTUHAI 15:14

Lehi hmun a hung tlung chun, Philistin mihai chun an lo tuok a, an lo khêk dur dur a; chun, Lalpa thlarau chu a chungah nasatakin a hung tlung a, chuongchun, a bân khuopna hruihruol chu ziza zai kâng tan ang el hi a hung ni ta a, a khuopnahai chu a kuta inthawk chun a tla ta tawp el a.

RORELTUHAI 3:11

Chun, ram chu kum sâwmli râlmuongin a um a. Chun Kenaz naupa Othniel chu a thi ta a.

RORELTUHAI 3:8

Chuongchun, Lalpa chu Israelhai chunga chun a lunginsen ta a, Mesopotamia ram lal Kushan-risathaim thu hnuoia chun kum riet an um a.

RORELTUHAI 6:34

Nisienlakhawm, Lalpa thlarau chu Gideon chungah a hung tlung a, chun, tawtawrâwt a hang mût a; ama zui dingin Abiezrit mihai chu a ko khâwm ta a.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun Lalpa thlarau nasatakin a hung tlung a; thu an hril duol duolnaa chun a ṭhang ve ta a.

1 SAMUEL 10:6

chun, Lalpa thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 11:6

Chun, chuong thu chu a hriet phingleh Saula chunga chun Pathien thlarau nasatakin a hung tlung ta a, nasatakin a lung chu a sen ta thut a.

1 SAMUEL 16:13

Chuongchun, Samuel chun hriek bâwm ki chu a lâk a, a unauhai lai chun ama chu hriek a nâl a, chun, Lalpa thlarau chu nasatakin chu nia inthawk chun David chunga chun a hung tlung ta a. Chuongchun, Samuel chu a tho a, Rama khuoah a fe ta a.