RORELTUHAI 2:5 - Pathien Lekhabu Inthieng (BSI)

⁵ Chu hmun hminga chun Bokim an inbûk a, chutaka chun Lalpa kuomah an inthâwi ta a.

RORELTUHAI 2:5 Iomraidhean Croise

INṬANNA 35:8

Chun, Rebeka dawntu Debora chu a thi a, Bethel thlanga thingsaisuo hnuoia chun an phûm a; thingsaisuo hminga chun “Ṭapna thingsaisuo” an inbûk ta a.

JOSUA 7:26

A chunga chun lung an intieng vûm thûr a, tu chen hin a la um a; chun, Lalpa lunginsenna nasatak chu a re ta a; chuongchun, chu hmun hminga chun tu chen hin Akor ruom an la ti zing a.

RORELTUHAI 13:19

Chun, Manoa chun kêlte chu fâk ding thilinhlân leh a lâk a, lungpui chungah Lalpa kuomah ân hlân a; chun, vântirko chun thil maktak a thaw ta a, Manoa le a nuhmei chun an thlîr zing a.

RORELTUHAI 2:1

Chun, Lalpa vântirko Gilgala inthawkin Bokimah a hang fe a. Ama chun, “Aigupta rama inthawk khan kân suoktir cheu a, in thlatuhai kuoma inkhâma ka ilo tiem tah rama khan ka ṭhuoi lût cheu a; ‘In kuoma thu ka ithlung kha bawse naw tawp ka tih;

RORELTUHAI 2:4

Lalpa vântirkoin Israel thlahai po po kuoma chuong thu chu a hang hril chun, mipui chu râwl insuo meuin an ṭap tâwl ta a.

RORELTUHAI 2:6

Josuain mipui ân ṭîntir hnung chun Israel thlahai chu mi tin mâni chanpuol seng ram chu hluo dingin an fe ta a.

RORELTUHAI 6:24

Chuongchun, Gideon chun chutaka chun Lalpa ta dingin maichâm a siem a, Jehova-Salom ân bûk a; tu chen hin Abiezrit mihai khuo Ophraa chun a la um zing a nih.

1 SAMUEL 7:9

Chun, Samuel chun berâmte nêne ne lai a lâk a, pumrawhmang thilinhlân dingin Lalpa kuomah ân hlân a, Israel mihai ta dingin Samuel chun Lalpa chu a ko a; chun, Lalpa chun a hung dawn a.