RORELTUHAI 2:22 - Pathien Lekhabu Inthieng (BSI)

²² an thlatuhai ihraw ang khan Lalpa dân an hraw ding le ding naw Israelhai fiena dingin anni chu hmang ka tih,” a ti ta a.

RORELTUHAI 2:22 Iomraidhean Croise

INṬANNA 22:1

Chuong thil hnunga chun Pathienin Abraham chu a fie a, a kuomah, “Abraham” a ta. Ama chun, “Hitaka hi ka um” a ta.

2 CHANCHIN SUINA 32:31

Nisienlakhawm, Babulon lalhai, chu rama thilmakhai chu indawn suok dinga a kuoma mi hungtirhai chungthua chun, a lungrila umhai po po chu a hriet theina dingin, fie dingin Pathien chun ama chu a thlathlam a.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

INPÂKNA HLABU 66:10

Aw Pathien, nangin i mi fie a, Tangkaruo fiea a um angin, keini i mi fie a.

FESUOKNA 15:25

Ama chun Lalpa chu a ko a; Lalpa chun thing ân entir a, chu chu tuia chun a dêng lût a, tui chu a hung inhnik ta a. Chutaka chun dân le dân ziek chu an kuomah a siem a, anni chu chutaka chun a fie bawk a:

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

DÂN PAHNINA 13:3

chu zâwlnei amanih, mang neitu amanih thuhai chu in pawm ding a ni nawh; Lalpa in Pathien chun in lungril po po le in hringna po poin Lalpa in Pathien chu in hmangai le hmangai naw ti hriet fiena dingin a fie cheu a ni lem.

DÂN PAHNINA 8:16

in pi le puhai hriet ngailo manna chun a châwm cheu a, tuta hnunga in hung ṭhat theina dingin a sukhnuoi cheu a, a fie theina ding cheuin.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

RORELTUHAI 2:23

Chuongchun, Lalpa chun chuong hnamhai chu hnawt suok nghâl lovin ân umtir ta a; Josua kuta khawm a pêk ta chuong bawk naw a.