RORELTUHAI 2:14 - Pathien Lekhabu Inthieng (BSI)

¹⁴ Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 2:14 Iomraidhean Croise

2 SAMUEL 24:1

Chun, Lalpa lunginsenna chu Israelhai chungah a ṭuong nawk ta thut a, “Fe la, Israel mihai le Juda mihai tiem vawng rawh,” tiin David chun an pawi tâwk dingin a chawktho a.

2 SAMUEL 7:11

ka mi Israelhai chunga rorêltuhai ka ruot lai ang kha ni bawk ta naw nih; chun, i hmêlmahai po poa inthawk hin inchâwltir ka ti che. Chun, chu naw hrima khawm, Lalpain, Lalpa chun sûngkuo indinpêk a ti che ti a hril a nih.

2 LALHAI 13:3

Chun, Lalpa lung chu Israelhai chunga chun a chawk a, chuongchun, Suria lal Hazael kuta le, Hazael naupa Benhadad kuta chun a pêk ta pei a.

2 LALHAI 17:20

Chun, Lalpain Israel thlahai hrim hrim chu a dit ta naw a, anni chu a sukrimsi a, a mit hmu phâk nawa a sawn hmang hma po chun rawktuhai kuta chun a pêk ta a.

2 CHANCHIN SUINA 15:5

Chuong lai hunahai chun mi hung lût ta ding le a suok ta ding khawm chun muongna hrim hrim a um naw a, ram po pohai hluotuhai chunga chun lunginzîngna nasatak a um lem a.

2 CHANCHIN SUINA 28:5

Chuleichun, Lalpa a Pathien chun Suria lal kuta chun ama chu a pêk ta a, ama chu an hung thaw a, a mi tamtakhai chu salah an ṭhuoi a, Damaskaa chun an hung ṭhuoi tâwl ta a. Nasataka thata hnetu Israel lal kuta chun ama khawm chu pêk a ni ta a.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

NEHEMIA 9:27

Chuleichun, anni sukrinumtu an hmêlmahai kuta chun i pêk a; an lunginzîng laia an ko lai che khan vâna inthawk chun i lo ngai a; i zainêmna nasatak chun an hmêlmahaia inthawkin sansuoktu ding sandamtuhai i pêk a.

INPÂKNA HLABU 44:11

Nangin fâk dinga ruot berâm angin i mi pêk a, Hnam tin lai chun i mi sukdar bawk a.

INPÂKNA HLABU 44:12

I mihai hi iengkhawm nilovah i zawr a, An man chu i hausakpui chuong si nawh.

ISAI 42:24

Tuin am Jakobhai râllâka la dinga pe a, Israelhai inruhai kuoma pe chu? Lalpa a chunga thil ei suksuolna chun a pêk a ni naw am a nih? a lampuiahai an fe nuom si naw a, an dân thu hlak an awi si nawh.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 37:10

Nangma hung dotu che Kaldai sipaihai po po khawm chu lo that ta la khawm, anni laia chun mi hliemhai chau chu la umin, chuong khawm chun, mi tin chu mâni puon inhaia chun tho an ta, hi khawpui hi meiin râwng an tih,” tiin.

LEVI DÂN 26:17

In chunga chun ka hmai sukthim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu hnawt lovin tlân in tih.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

LEVI DÂN 26:37

Tu ihnawt lovin kâwlhnâma hnawt ang elin inpalthlu rem rum an ta; in hmêlmahai lo dang dingin hrâtna hrim hrim nei naw ti niu.

NAMBAR 32:13

Chun, Israelhai chunga chun Lalpa lung chu a chawk a, Lalpa mithmua thil ṭha naw thawtu suon po po chu an bohmang vawng hmakhat chun thlalêrah kum sâwmli ân vâkvaitir a.

NAMBAR 32:14

Chun, ngai ta u, Israelhai chunga Lalpa lungsenna ṭiumtak chu belsain nangni suon suolhai hin in puhai ai in aw ta a.

DÂN PAHNINA 28:20

Lalpain in chunga in thilthaw taphawt chungah ṭawngsie dâm, buoina dâm, kâwkna dâm, hung tir a tih, tlâwm in ta, bohmang vak el in tih; in thilthawhai a suol a, in mi hnungnghat leiin.

DÂN PAHNINA 28:25

Lalpain in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 28:58

“Lalpa in Pathien hming ropuitak le ṭiumtak hi in ṭi theina dinga hi lekhabua chuong thil po po hi fîmkhurtaka in zâwm naw chun.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?

JOSUA 23:16

Lalpa in Pathienin thuthlung a pêk cheu hi in bawsiet a, pathien danghai rawng inbâwl a, kûna chibai inbûk vai chun Lalpa lunginsenna chu in chungah inling a ta, ram ṭhatak a pêk cheua inthawk hi bohmang nghâl el in tih,” a ta.

RORELTUHAI 1:19

Lalpa chu Juda kuoma chun a um a; chuongchun tlâng rama umhai chu a hnawt hmang vawng a, phaizâwla umhai ruok chu thîr tawlailîrhai an nei leiin a hnawt suok thei nawh.

RORELTUHAI 1:34

Amor mihai chun Dan mihai chu tlâng ramah an hnawt kai a, ruoma an fe thlâk chu an phalpêk si naw a.

RORELTUHAI 10:7

Chuongchun, Lalpa chu Israelhai chunga chun a lunginsen hle el ta a, Philistin mihai le Ammon mihai kuomah a zawr ta a.

RORELTUHAI 2:20

Chun, Lalpa chu Israelhai chunga chun a lunginsen ta a; chuongchun, “Hi hnamhai hin an thlatuhai thu ka ipêk, ka thuthlung chu an bawsiet a, ka râwl khawm an ngai ta si naw a;

RORELTUHAI 3:12

Chun, Israel thlahai chun Lalpa mithmuah thil suol an thaw nâwk ta a; chuongchun, Lalpa mithmuah thil an lo suksuol lei chun Lalpain Moab lal Eglon chu Israelhai chunga hrâtin a siem a.

RORELTUHAI 4:2

Chuongchun, Hazor khaw ṭhuttu Kanaan ram lal Jabin kuoma chun Lalpain anni chu a zawr ta a, chu mipa sipai hotu tak chu Sisera a ni a, Jentailhai ram Haroseth-a um a nih.