RORELTUHAI 2:11 - Pathien Lekhabu Inthieng (BSI)

¹¹ Chun, Israel thlahai chun Lalpa mithmuhah thil suol chu an lo thaw a, Baalhai rawng an bâwl ta a.

RORELTUHAI 2:11 Iomraidhean Croise

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 38:7

Nisienlakhawm, Juda nau lutîr Er chu Lalpa mithmuah mi suol a ni a, Lalpain ama chu a sukhlum ta a.

1 LALHAI 11:5

Solomon chun Zidon mihai pathiennu Astoreth le Ammon mihai pathien tirdakumtak Milkom chu a lo zui ve ta a.

1 LALHAI 18:18

Ama chun a dawn a, “Israelhai hi ka suklungzîng nawh ie, nang le i pa sûnghaiin annâwm an suklungzîng lem chu. Lalpa thupêkhai chu nghatsana, Baalhai i pawm lem tâka hin.

1 LALHAI 22:53

Chun, a pa thaw ang taphawt thawin Baal rawng a bâwl a, a biek hlak a, Lalpa Israelhai Pathien chu a suklungsen ta a.

2 CHANCHIN SUINA 28:2

amiruokchu, Israel lalhai lampui chu a hraw a, Baal ta ding chun milim a sunga sunghai chu a siem bawk a.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a raw a ; Israel mipuihai hmaa Lalpain a hnawtsuok khawhri be mihai tirdakumna ang tak chun a nauhai chu meiah ân lûttir bawk a.

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

EZRA 8:12

Azgad naupahaia chun, Hakkatan naupa Johanan; ama leh pasal za khat le sâwm.

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

INPÂKNA HLABU 78:56

Nisienlakhawm, Pathien Achunghnungtak chu an infie a, a chungah an hel a, A thu inhhriettirhai chu an zâwm si naw a.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 16:11

nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 2:23

Iengtin am ‘Sukpawrchein ka um naw a, Baal khawm chu ka zui naw a,’ ti thei i ta? Phairuoma i lampui chu en la, i thaw tahai chu hre bawk rawh; sanghâwngsei tuoi hrâttak a lampuihai thlep kawi kawi le;

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatuhaiin anni an lo inchûktir ta ang khan;

NAMBAR 25:3

Israelhai chun Baal-peor an pawm ve ta a, chuongchun, Israelhai chunga chun Lalpa lung chu a chawk ta a.

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.

DÂN PAHNINA 4:25

“Tu le tehai in hung nei a, chu rama sâwt rei in um hnunga, in insukkhawhlo a, ieng amanih angpui dâma milim siem fâwmhai in indin a, a lung suksen dinga Lalpa in Pathien mithmua thil ṭha naw in thaw vai chun;

RORELTUHAI 10:10

Chun, Israel mihai chun, “Kan Pathien chu kan lo nghatsan chie ta che a, Baalhai rawng chu kan lo bâwl ta leiin i chungah thil kan lo suksuol tah a nih,” tiin Lalpa an ko a.

RORELTUHAI 10:6

Israel mipui chun Lalpa mithmua thil suol chu an lo thaw nâwk ta a, Baalhai le Astaroth, Suria mihai pathienhai, Zidon mihai pathienhai, Moab mihai pathienhai, Ammon mihai pathienhai, Philistin mihai pathienhai rawng an lo bâwl ta a; chuongchun, Lalpa chu an nghatsan a, a rawng an bâwl ta naw a.

RORELTUHAI 13:1

Israel thlahai chun Lalpa mithmua thil suol an thaw nâwk ta a, chuongchun, Lalpain anni chu Philistin mihai kutah kum sâwmli ân umtir a.

RORELTUHAI 3:12

Chun, Israel thlahai chun Lalpa mithmuah thil suol an thaw nâwk ta a; chuongchun, Lalpa mithmuah thil an lo suksuol lei chun Lalpain Moab lal Eglon chu Israelhai chunga hrâtin a siem a.

RORELTUHAI 3:7

Chun, Israel thlahai chun Lalpa mithmuah thil suol an lo thaw a, Lalpa an Pathien chu an theinghil a, Baalhai le Aserah rawng an bâwl a.

RORELTUHAI 4:1

Ehud thi hnung chun Israel thlahai chun Lalpa mithmuhah thil suol an lo thaw nâwk ta a.

RORELTUHAI 6:1

Israel thlahai chun Lalpa mithmuah thil suol an thaw a; chuleiin, Lalpain Midianhai kutah kum sari ân umtir a.

RORELTUHAI 6:25

Chu zân ma chun Lalpain a kuomah, “I pa bâwngchal, bâwngchal pahnina, kum sari mi chu la la, i pa inei Baal maichâm hi sukchim la, a bula Asera hi phûr rawh,

RORELTUHAI 8:33

Chun, Gideon a thi phing chun Israel mipui chu an hnungtawl nâwk nghâl ta a. Baalhai kuoma chun, an hung uire ta a, Baal-berith chu an pathienah an hung siem a.

1 SAMUEL 12:10

Chun, Lalpa chu an ko a, ‘Lalpa chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawngbâwl kan tih,’ an ta.

1 SAMUEL 7:3

Chun, Samuel chun Israel sûnghai po po kuoma chun, “In lungril takzeta Lalpa tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu Lalpa ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.

1 SAMUEL 7:4

Chun Israel mihai chun Baalhai le Astarothhai chu an sie hmang a, Lalpa rawng chau chu an bâwl ta a.