RORELTUHAI 19:9 - Pathien Lekhabu Inthieng (BSI)

⁹ Chun, mi chu a thaikêm le a siehlaw leh suok tuma an hang tho chun, a tarpupa, nunghâk pa chun a kuomah, “En ta, hi khuo khawm ân hnu ta a, vawizân chu riek nâwk hrâm el raw khai. En ta, khuo khawm ân thim hnai el ta hi, hitaka hin riek nâwk la, i lungril khawm hlimtakin um raw se; chun, zingah zîngkâr tho i ta, fe de ti nih,” a ti a.

RORELTUHAI 19:9 Iomraidhean Croise

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

THUVARHAI 27:1

Zînga dingin nang le nang insuong naw la, Ni chun ieng am a hung suokpui ding ti i hriet si naw a.

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût ta a.

RORELTUHAI 19:10

Nisienlakhawm, ama chun chu zân chun riek a nuom ta naw a, a tho a, a suok ta a, Jebus khaw zâwn a va tlung a (chu chu Jerusalem khuo a nih), sabengtung pahni inthuom sa a ṭhuoi a, a thaikêm khawm chu a ṭhang ve a.

RORELTUHAI 19:6

Chuongchun, a ṭhung a, an pahni chun an fâkin an dâwn tlâng a; chun, nunghâk pa chun mi kuoma chun, “Lungawitakin riek hrâm raw khai, i lungril chu hlimtakin um raw se,” a ti a.

RORELTUHAI 19:8

A ni nga ni zîngkâr chun fe tumin inhmatakin a tho a, chun nunghâk pa chun, “I lungril sukhar hri phawt la tie, zântieng nisa innêm hun chen bêk chu um hri raw khai,” a ti a. Chun, an pahniin bu an fâk nâwk ta a.

RUTH 3:7

Chun, Boaz chu bu a fâka a dâwn zo chun a lungril a hung hlim ta hle a, bu hlûm bula zâl dingin a fe ta a. Ruth chu to ṭawkin a va fe a, a ke chu a hlîma a zâl ve ta a.