RORELTUHAI 18:4 - Pathien Lekhabu Inthieng (BSI)

⁴ Ama chun an kuomah, “Mika hin hieng ang hin a mi lo siem ta a, a mi ruoi a, a thiempuah ka um a nih,” a ti a.

RORELTUHAI 18:4 Iomraidhean Croise

THUVARHAI 28:21

Mihai thlierbîkna nei hi a ṭha naw a, Bei hlek lei mei meiin min a bawsiet bawk ding a ni nawh.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

THILTHAWHAI 20:33

Tu tangkahai, rângkachakhai, silfênhai khawm kân hnar ngai naw kha.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

RORELTUHAI 17:10

Mika chun a kuomah, “Ka kuoma hin um el ta la, ka pa ding le thiempu dingin um la, kum tinin tangkaruo tlang sâwm pêng ka ti che a, silfên sil khat le i fâk dinghai khawm,” a ti a.

RORELTUHAI 17:12

Chun, Mika chun Levi chi chu a suktum ta a, chuongchun, tlangvâl chu a thiempuah a hung um a, Mika ina chun a um ta a.

RORELTUHAI 18:3

Mika in kâwla an um lai chun Levi chi tlangvâl râwl chu an hriet a, chu tieng chu an va pan a, a kuomah, “Tuin am hitaka hin a ṭhuoi che a? Hi hmuna hin ieng am i thaw a? Taka hin ieng thawa um che?” an ti a.

RORELTUHAI 18:5

Chun, anni chun a kuomah, “Kan fena dinga hin kan tluongtlung ding le ding naw Pathien mi râwnpêk raw khai,” an ti a.