RORELTUHAI 18:3 - Pathien Lekhabu Inthieng (BSI)

³ Mika in kâwla an um lai chun Levi chi tlangvâl râwl chu an hriet a, chu tieng chu an va pan a, a kuomah, “Tuin am hitaka hin a ṭhuoi che a? Hi hmuna hin ieng am i thaw a? Taka hin ieng thawa um che?” an ti a.

RORELTUHAI 18:3 Iomraidhean Croise

INṬANNA 27:22

Chun, Jakob chun a pa Isak chu a va hnai a; ama chun a lo them vêl a, “A rawl chu Jakob rawl a ni si a, a kuthai ruok chu Esau kut a ni si a,” a ta.

ISAI 22:16

Chun, a kuomah hieng ang hin hril rawh: Hitaka hin ieng am i thaw a? Hitaka hin tuhai am i nei a, thlân hi i kerkuok kher a ni leh? Nangma ta dingin insângtakah thlân i kerkuo a, i ta dinga lungpuia umna i siem hrim hi!

MATTHAI 26:73

Chun, sâwt nawte hnungah a kâwla ngîrhai chun Peter kuomah, “Nang khawm an laia mi i ni ngei el, i ṭawngah ân hriet annâwm,” an ta.

RORELTUHAI 12:6

Ama chun, “Ni lo e,” a ti chun a kuomah, “Shibboleth hang ti ta,” an lo ti a, chun, ama chun, “Sibboleth,” a ti lem ta hlak a, a lam fie ve thiem si naw a, chuongchun, an man a, Jordan vadung kaihaia chun an lo that pei a; chuongchun, chu ṭum chun Ephraim mihai chu sîng li le sâng hni an that a.

RORELTUHAI 18:2

Chuongchun, Dan mihai chun an hnam pumpui laia mi, pasal ṭha panga, Zora le Estoal khuoa inthawkin ram va enthlithlai ding le va hre chieng dingin an tir a, an kuoma chun, “Va fe unla, ram chu va hre chieng ta u,” an ti a. Chuongchun, Ephraim tlâng rama Mika in chu an va tlung a, chutaka chun an riek ta a.

RORELTUHAI 18:4

Ama chun an kuomah, “Mika hin hieng ang hin a mi lo siem ta a, a mi ruoi a, a thiempuah ka um a nih,” a ti a.