RORELTUHAI 17:3 - Pathien Lekhabu Inthieng (BSI)

³ Chun, tangka sâng khat le za khat chu a nu a pêk nâwk a; chun, a nu chun, “Hi tangka hi keima kut ngeiin, ka naupa puola milim siemna ding le milim sungna dingin Lalpa kuomah kân hlân a nih, chuleiin, tuhin ka pêk nâwk ding che a nih,” a ti a.

RORELTUHAI 17:3 Iomraidhean Croise

2 CHANCHIN SUINA 33:7

Chun, milim kerṭielhai, ama siem chu Lalpa ina chun a sie a; chu chungthua chun Pathien chun David le a naupa Solomon kuoma chun, “Hi ina le Jerusalema khawm, Israel hnam po po laia inthawka ka thlang suoka hin, kumkhuoa dingin ka hming chu sieng ka ta,

FESUOKNA 20:23

Keima le biek ding pathien danghai in insiem ding a ni naw a, in ta dingin tangkaraw pathienhai, rângkachak pathienhai in siem ding a ni bawk nawh.

FESUOKNA 20:4

Milim siem fâwm, chungtieng vâna mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i ta dingin i siem ding a ni nawh.

FESUOKNA 34:17

“Siemfâwm pathien hrim in siempêk ding a ni nawh.

ISAI 30:22

Chun, in tangkaruo milim siem, tangkaruoa cheina le in rângkachak milim sung, rângkachak tuia inluonna chu, suksieng in ta, thil pawrche angin pei tâng in tih; a kuoma chun, “Fe hmang dai rawh,” tîng in tih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

LEVI DÂN 19:4

Milim tieng chun thle naw unla, milim sung fâwm pathienhai in ta dingin siem naw ro; Kei hi Lalpa in Pathien chu ka nih.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlumtuhai cheu chun Pathien chungah thilṭha thawin inhrieng an tih, chuong ang hun chu a tlung ding a nih.

DÂN PAHNINA 12:3

An maichâmhai sukchim in ta, an lungphunhai suknâwi vawng in ta, an Asera dâm chu in raw ding a nih; an pathien lim siem fâwmhai chu phûrpêk in ta, chutaka an hming chu in thaihmang ding a nih.

DÂN PAHNINA 27:15

“‘Themthiemhai kutsuok Lalpa ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

RORELTUHAI 17:13

Chuongchun, Mika chun, “Tu zet hin chu Levi chi ka thiempu dingin ka nei ta si a, Lalpa chun mi suktluongtlung ngei a tih ti ka hriet,” a ti ta a.

RORELTUHAI 17:2

Ama chun a nu kuomah, “Tangka sâng khat le za khat an inrûkpêk che a, nang khawma ṭawngsie inphura, ka na hriet ngeia i hril kha, en ta, kha tangka kha ka kuomah a um a, keia lâk a ni kha,” a ti a. A nu chun, “Ka naupa chu Lalpa malsâwmin um raw se,” a ti a.

RORELTUHAI 17:4

Chun, tangka chu a nu a hang pêk chun a nu chun tangka za hni chu a lâk a, tangkaraw suttu kuomah a pêk a, ama chun milimin a lo siem a, milimin a lo sung ta a, chu chu Mika ina chun a um a.

RORELTUHAI 18:30

Chun, Dan mihai chun milim siem fâwm chu anni ta dingin an inngîr ta a; chun, Mosie nau Gersom naupa Jonathan le a naupasalhai chu, ram chu miin an lâk hmakhat chun Dan chihai thiempua chun an um ta a.

RORELTUHAI 18:5

Chun, anni chun a kuomah, “Kan fena dinga hin kan tluongtlung ding le ding naw Pathien mi râwnpêk raw khai,” an ti a.