RORELTUHAI 16:30 - Pathien Lekhabu Inthieng (BSI)

³⁰ Chun, Samson chun, “Philistin mihai hi hang thichil ka ti a,” a ti a. Chuongchun, a theitâwpin a kûn rak a; chun, mi lienhai le mipui a sûnga umhai po po chu in chun a del ta a. Chuongchun, a dam laia a sukhlumhai nêk chun a thichilhai chu an tam lem a.

RORELTUHAI 16:30 Iomraidhean Croise

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

JOB LEKHABU (THE BOOK OF JOB) 31:3

Mi fello ta dingin vângduoina, Rîtlona thawtuhai ta dingin sietna a ni naw am a nih?

INPÂKNA HLABU 62:3

Nangni po poin, sukhlum ding le, Lung bang inâwn thaw ang le, pal tlu vâng vâng thaw angin, Ieng chen am mi pakhat hi in thaw ding a na?

THUHRILTU 9:12

Mihriem chun a hun chu a hrietthiem naw a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.

MATTHAI 16:25

Tukhawm a hringna hum nuom taphawt chun chân a tih; tukhawm keia leia hringna chân phawt chun hum a tih.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

PHILIPPI 2:30

In mi sawmdâwlna tlin bâk chu sunzawm dingin thi huoma thâtak suoin, Krista sinthawna leiin thi vângin a lo um ta si a.

PHILIPPI 2:8

Chun, mihriem anga hung umin ân ngaitlâwm a, thi khawp raka thu zâwmin a lo um ta a, krawsa thina ngei chu.

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang ta a.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

RORELTUHAI 14:19

Chun, Lalpa thlarau chu a chungah nasatakin a hung tlung a, chun Askelonah a zu fe a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk ta a. Lungsen êm êmin a pa in tieng a kîr nâwk ta a.

RORELTUHAI 15:15

Chun, sabengtung khâkru a tharlâm deu hi a hmu a, a hei ban a, a lâk a, chu chun mi sâng khat a vuok hlum a.

RORELTUHAI 15:8

Chuongchun, nasatakin a thaw a, a that a that a, chun a fe thla a, Etam lungpui kawi kârah a um ta a.

RORELTUHAI 16:29

Chun, Samson chun chu in dotuhai tak, sût pahni chu a hei them a, a kut changtiengin pakhat chu a ringsan a, a kut vawitiengin pakhat.

RORELTUHAI 16:31

Chun, a unauhai le a pa sûnghai po po chu an hung suok a, an lâk a, an hang zâwn a, Zora le Estaol inkâra a pa Manoa phûmna hmunah an phûm ta a. Chuongchun, kum sâwmhni Israelhai chungah ro a rêl a nih.