RORELTUHAI 15:19 - Pathien Lekhabu Inthieng (BSI)

¹⁹ Chuongchun, Pathien chun Lehi hmuna khur um chu a hung sukkak phuk a; chun, tui a hung inchik suok ta a; chu chu a hang dâwn chun a lungril a hung hrât nâwk ta a, a hung har ta huoi a, chuongchun, chu hminga chun En-hakkore an ti ta a, tu chen hin Lehi hmuna chun a la um zing a nih.

RORELTUHAI 15:19 Iomraidhean Croise

INṬANNA 16:13

Chun, Hagarin ama betu Lalpa hming chu, “Nang hi hmu theitu Pathien i nih,” tiin ân bûk a. “Hitaka ngei hin a mi hmutu chu ka hmu takzet am a ni aw?” a ti a nih.

INṬANNA 28:19

Chu hmun hminga chun Bethel ân bûk a, a khaw hming hmasa chu Luz a nih.

INṬANNA 30:30

Ka hung hma chun tlâwmte bak i nei a, tuhin chu tamtak an hung ni ta hi; ka nghatna tieng tieng Lalpa chun mal a sâwmpêk pei che a nih: amiruokchu, iengtik âm keia sûngkaw ta dingin suksuok vêng ka ti aw?” a ti a.

INṬANNA 45:27

Chun, a kuomah Josef thu hril po po chu an hril a; a chuongna ding tawlailîrhai Josefin a inphur chu a hmu chun an pa Jakob lungril chu a har ta huoi a:

INPÂKNA HLABU 110:7

Lampuia vadunga tui chu dâwn a ta, Chu lei chun a lu chu dawm sâng a tih.

INPÂKNA HLABU 120:1

Ka lunginzîng ni chun Lalpa chu ka ko a, Chuongchun, ama chun a mi hung dawn a.

INPÂKNA HLABU 34:6

Hi mi rimsi hi a khêk a, Lalpa chun a lo hriet a, A lunginzîngna po poa chun a sansuok ta a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

FESUOKNA 17:15

Chun, Mosie chun maichâm a siem a, a hminga chun “Jehova- Nissi” ân bûk a;

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

ISAI 40:29

Châuhai kuoma chun thilthawtheina a pêk hlak a; hrâtna hrim nei nawhai chu a sukhrât hlak.

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

NAMBAR 20:11

Mosie chun a bân a phar a, lungpui chu a hmawl chun vawi hni a hang vuok a; chuongchun, tui a hung suok ta zur zur el a, pungkhâwmhai le an ranhai chun an dâwn ta a.

RORELTUHAI 15:9

Chun, Philistin mihai chu an hang fe a, Juda rama chun an hang inkul a, Lehi hmuna chun an inzar a.

1 SAMUEL 30:12

chun, theichang hlawm tlang khat le grêp ra emṭâwl bâwr hni an pêk a; chun, chuong chu a hang fâk chun a hung har nâwk ta a; ni thum le zân thum bu fa lo le tui dâwn lo a ni si a.