Biblia Todo Logo
Bìoball air-loidhne

- Sanasan -




RORELTUHAI 15:18 - Pathien Lekhabu Inthieng (BSI)

18 chun, a dang a hung châr ta êm êm el a, Lalpa chu a ko ta a, “Nangin i siehlaw kut hi hmangin ropuitakin i mi lo sansuok ta a, tuhin dangchârin ka thi elin, sertannawhai kuta hin ka tlulût el ding am a nih?” a ti a.

Faic an caibideil Dèan lethbhreac




RORELTUHAI 15:18
19 Iomraidhean Croise  

Abraham chun, “Hi khuoa hin Pathien ṭina a um dêr naw a ni ka ring a, ka nuhmei lei hin mi sukhlum el in tih ti ka ring lei a nih.


Chun, a êlpui inpelsawl leia inbâi puma Peniel a suoksan lai tak chun nisa a hung suok a, ama chu a hung khaw a.


Gath-a chun hril naw unla, Askelon kawtthlêrahai chun puong bawk naw ro; Chuong naw chun Philistin naunuhai lâwm an ta, Sertan lo naunuhai hlimin khêk pal rawi an tih.


Chu hnunga chun Isûn thil iengkim tuhin a kim tah ti a hriet a, Pathien Lekha Thu kha a tlungna dingin, “Ka dang a châr ie,” a ta.


Chun, ieng am la hril rawp ka ta? Gideon thu dâm, Barak thu dâm, Samson thu dâm, Jephtha thu dâm, David thu dâm, Samuel thu dâm, zâwlneihai thu dâm hril lang hunin mi dai si naw ni a.


A nu le pa ruok chun a kuomah, “I unauhai naunuhmeihai laia manih, ei chihai po po laia hin amanih nuhmei an um dêr naw nîng a ti maw, Philistin mi, sertanlohai laia nuhmei ding i zu zawng el chu?” an ti a. Samson ruok chun a pa kuomah, “Mi neipêk el rawh, ka dit êm i sawnnâwm ie,” a ti a.


Thu a hril zo chun a khâkru chawi chu a pei ta a; chun, chu hmun chu Ramath-lehi an hung ti ta a,


Chun, Samson chun Lalpa a ko a, “Aw Lalpa PATHIEN, ka hni che hi, mi hung hre zing la, ka hni che hi, tuta ṭuma chau bêk hin mi hung sukhrât la, aw Pathien, ka mit khing hni phuba hi Philistin mihai chunga hin hang la vak ka tih,” a ti a.


Chun, Gideon le a kuoma mi za thum umhai chun Jordan vadung chu an zu tlung a, an kai a, châu sa sain an hnawt pei a.


Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.


I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.


Chun, David chun a lungrilin “Iengtika mani chu Saula kuta hin ka la bohmang ngei ding chu a ni hi; Philistin mihai rama tlânhmang nêka ṭha hi a um naw ding a ni hi; chuongchun, Saula’n Israel ram sûng po poa a mi zawng hi beidawng tâng a ta, chuongchun, a kuta inthawka suok nîng ka tih,” a ta.


Lean sinn:

Sanasan


Sanasan