RORELTUHAI 15:12 - Pathien Lekhabu Inthieng (BSI)

¹² Anni chun a kuomah, “Nang hi khuop chea, Philistin mihai kuta pe ding chein kan hung thla a nih,” an ti a. Chun Samsonin an kuomah, “Nangni chun chu mi sukhlum lo dingin ka kuomah ṭawng inkhâm ro,” a ti a.

RORELTUHAI 15:12 Iomraidhean Croise

1 LALHAI 2:25

Chuongchun, lal Solomon chun Jehoiada naupa Benaia chu a tir a, ama chu a va thaw a, a thi ta a.

1 LALHAI 2:34

Chuongchun, Jehoiada naupa Benaia chu a hang fe a, a hang thaw a, a that ta a; chun, thlalêra ama ina chun an phûm ta a.

MATTHAI 27:2

chun, an khuop a, an ṭhuoi a, Bawrsâp Pilat kuomah an pêk ta a.

THILTHAWHAI 7:25

Mosie chun ama kutin Pathienin anni a sanhim ding ti a unauhaiin an hriet amanih a ta, nisienlakhawm, an hriet si nawh.

RORELTUHAI 15:11

Chun, Juda rama mi, mi sâng thum Etam lungpui kawi kâra chun an zu fe a, Samson kuoma chun, “Philistin mihai hi kan chunga rorêltuhai an nih ti i hriet naw am a nih? Iengtiziea kan chunga hieng thil hung thaw el am i ni a?” an ti a. Ama chun an kuomah, “Ka chunga an thaw ang bawkin an chungah ka thaw ve a ni kha,” a ti a.

RORELTUHAI 15:13

Anni chun a kuomah, “Sukhlum lo e a, amiruokchu, khuop tlat kan ti che a, an kutah kan pêk el ding che a nih; that chu that dêr naw ning ung che,” tiin an hril a. Chuongchun, hruihruol thar pahniin an khuop a, lungpuia inthawk chun an ṭhuoi tung ta a.

RORELTUHAI 8:21

Chun, Zeba le Zalmunna chun, “Nang kha hung inthawk la mi hung thaw ta la, patling le patling inthaw ding a nih annâwm,” an ti a. Chun, Gideon chu a tho a, Zeba le Zalmunna chu a that ta a; chun, an sanghâwngseihai rînga rîngawrhai chu a lâk a.