RORELTUHAI 14:6 - Pathien Lekhabu Inthieng (BSI)

⁶ Chun, Lalpa thlarau chu a chungah nasatakin a hung tlung a, chuongchun, kêlte kei nâwi takin a kei nawi el ta a, iengkhawm a chawi si naw a; nisienlakhawm, a thil thaw chu a nu le pa chu a hril nawh.

RORELTUHAI 14:6 Iomraidhean Croise

INPÂKNA HLABU 91:13

Sakeibaknei le rûl chu sir dêng i ta, Sakeibaknei vânglai le rûlriel chu sir hriel neng i tih.

ISAI 42:2

Khêk naw ni a, a râwl insuo bawk naw ni a; kawtthlêrah a râwl chu inhriettir bawk naw nih.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

RORELTUHAI 11:29

Chuongchun, Lalpa thlarau chu Jepthah chungah a hung tlung a, Gilead le Manasse ram a fe thleng a, Gilead rama Mizpa a fe thleng a, chun, Gilead rama Mizpaa inthawk chun Ammon mihai kuomah a fe pei a.

RORELTUHAI 13:25

Chun, Zora le Estaol inkâra Mahane-dana chun Lalpa thlarauin ama chu a khîkhar ṭan ta a.

RORELTUHAI 14:19

Chun, Lalpa thlarau chu a chungah nasatakin a hung tlung a, chun Askelonah a zu fe a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk ta a. Lungsen êm êmin a pa in tieng a kîr nâwk ta a.

RORELTUHAI 14:5

Chuongchun, Samson chu a nu le pa le chun Timnaa chun an zu fe a, Timnaa grêp huon hi an zu tlung a; chun, ngai ta, sakeibaknei vânglai hin a lo inrûm khum a.

RORELTUHAI 14:7

Chun, a zu fe a, nuhmei chu a zûn biekpui a, Samson chun a dit hle el a.

RORELTUHAI 15:15

Chun, sabengtung khâkru a tharlâm deu hi a hmu a, a hei ban a, a lâk a, chu chun mi sâng khat a vuok hlum a.

RORELTUHAI 15:8

Chuongchun, nasatakin a thaw a, a that a that a, chun a fe thla a, Etam lungpui kawi kârah a um ta a.

RORELTUHAI 16:30

Chun, Samson chun, “Philistin mihai hi hang thichil ka ti a,” a ti a. Chuongchun, a theitâwpin a kûn rak a; chun, mi lienhai le mipui a sûnga umhai po po chu in chun a del ta a. Chuongchun, a dam laia a sukhlumhai nêk chun a thichilhai chu an tam lem a.

RORELTUHAI 3:10

Lalpa thlarau chu a chungah a hung a, chuongchun, Israelhai ro chu a rêlpêk ta a; râl do dingin a vân thawk a; chun Lalpain Mesopotamia ram lal Kushan-risathaim chu a pêk a; Kusan-risathaim chu a hne a.

1 SAMUEL 10:16

Saula chun a pami kuoma chun, “Sabengtunghai chu an hmu tah ti a mi hril ngei kha tie,” a ta. Amiruokchu, ram chungchâng thu Samuelin a hril chu a hril naw a.

1 SAMUEL 10:6

chun, Lalpa thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 11:6

Chun, chuong thu chu a hriet phingleh Saula chunga chun Pathien thlarau nasatakin a hung tlung ta a, nasatakin a lung chu a sen ta thut a.

1 SAMUEL 14:1

Ni khat chu Saula naupa Jonathan chun a râlthuom chawitu tlangvâl kuoma chun, “Hung ta, khingtieng râl Philistin mi râl vêngtu sipaihai umnaa sawn va fêng ei tih,” a ta. Nisienlakhawm, a pa chu a hril naw a.

1 SAMUEL 17:46

Vawisûn hin Lalpain nang hi ka kutah a mi pêk ding a nih, chun, that ka ti che a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;