RORELTUHAI 14:4 - Pathien Lekhabu Inthieng (BSI)

⁴ Nisienlakhawm, a nu le pa chun, chu chu Lalpa thaw a nih ti an hriet naw a; Philistin mihai chunga remchâng a zawng a ni si a. Chuong lai chun Philistin mihai chun Israel mihai chungah ro an rêl a.

RORELTUHAI 14:4 Iomraidhean Croise

1 LALHAI 12:15

Chuongchun, lal chun, mipuihai thuhril kha a pawm ta naw a, chu chu Lalpa lei a nih, Lalpa chun Silo mi Ahija hmanga, Nebat naupa Jeroboam kuoma a thu lo hril ta kha a suknghet theina dingin.

1 LALHAI 12:24

‘Lalpain hieng ang hin a tih, Hang fe naw rawh, Israel thla in unauhai chu hang do bawk naw ro, mâni in tieng seng fe nâwk ta ro, hi hi keima thaw a nih,’ tiin hril rawh,” tiin. Chuongchun, Lalpa thu chu an awi a, Lalpa thu ang chun an kîr a, an fe nâwk ta vawng a.

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla ta a; chun, laltak chun, “Ngai ta, hi thil ṭha naw hi, Lalpa hung tir a ni hi, Lalpa chu iengdingin am la nghâk ta rawp ka ti a?” a ta.

2 CHANCHIN SUINA 10:15

Chuongchun, lal chun mipuihai thu chu a ngai naw a; Silon mi Ahija hmanga Nebat naupa Jeroboam kuoma a thu lo hril tah, a thu chu Lalpain ân tlungtir theina dingin, Pathienin a hung intlungtir a ni si a.

2 CHANCHIN SUINA 22:7

Chuongchun, Ahazia bohmangna chu Pathiena inthawk a na, Joram kuoma a hang fe lei tak chu a nih; chuonga a hung lai chun, Ahab sûngkuo chu sât thlatu dinga Lalpain hriek a lo nâl tah Nimsi naupa Jehu chu do dingin Joram le khan a hang fe ve si a.

2 CHANCHIN SUINA 25:20

Amiruokchu, Amazia chun a ngai chuong naw a, an hmêlmahai kuta a pêk theina dinga Pathien ithaw a nih, Edom pathienhai an lo zawng ta lei khan.

INPÂKNA HLABU 115:3

Kan Pathien chu vânah a um si a, A nuom taphawt a thaw a nih.

DANIEL 6:4

Chun, hotuhai le biel awptuhai chun ram chungthuah Daniel chunga chun remchâng an zawng ta a; nisienlakhawm, ama chu ring a um a, amaa chun indiknawna le suksuolna hrim hmu a ni naw leiin a suksuolna le hêkna remchâng chu an hmu thei dêr naw a.

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

JOSUA 11:20

Lalpain Mosie thu a pêk anga sukchimit vawng a, lainatna ṭhang dêr lova a sukbohmang theina dinga an lungril sukngarpêka Israelhai indotir hlaktu chu Lalpa chu a ni si a.

RORELTUHAI 13:1

Israel thlahai chun Lalpa mithmua thil suol an thaw nâwk ta a, chuongchun, Lalpain anni chu Philistin mihai kutah kum sâwmli ân umtir a.

RORELTUHAI 14:5

Chuongchun, Samson chu a nu le pa le chun Timnaa chun an zu fe a, Timnaa grêp huon hi an zu tlung a; chun, ngai ta, sakeibaknei vânglai hin a lo inrûm khum a.

RORELTUHAI 15:11

Chun, Juda rama mi, mi sâng thum Etam lungpui kawi kâra chun an zu fe a, Samson kuoma chun, “Philistin mihai hi kan chunga rorêltuhai an nih ti i hriet naw am a nih? Iengtiziea kan chunga hieng thil hung thaw el am i ni a?” an ti a. Ama chun an kuomah, “Ka chunga an thaw ang bawkin an chungah ka thaw ve a ni kha,” a ti a.

RORELTUHAI 15:3

Samson chun an kuomah, “Tuta ṭum chu Philistin mihai pawi tâwk lang khawm dem kai naw ning ah,” a ti a.