RORELTUHAI 14:2 - Pathien Lekhabu Inthieng (BSI)

² A hung nâwk chun a nu le pa chu a hril a, “Timna khuoah Philistin mihai naunuhai laia mi nuhmei pakhat ka hmu a, ka nuhmei dingin mi neipêk ro,” a ti a.

RORELTUHAI 14:2 Iomraidhean Croise

INṬANNA 21:21

Paran thlalêra chun a um a; chun, a nuin Aigupta rama inthawk nuhmei a neipêk ta a.

INṬANNA 34:4

Sekem chun a pa Hamor chu a biek a, “Chu nunghâk chu nuhmeiin mi neipêk rawh,” a ti a.

INṬANNA 38:6

Juda chun a nau lutîr Er chu nuhmei a neipêk a, a hming chu Tamar a nih.

2 LALHAI 14:9

Chun, Israel lal Jehoas chun, Juda lal Amazia kuomah, “Lebanon tlânga hlingin Lebanon tlânga Sidar thing kuomah ‘I naunu kha ka naupa nuhmeiah inneitir ta khai,’ tiin ân cha a; chun, Lebanon tlânga ramsa a hung a, hling chu a hung chîl thlûk dêr el ta a.

JEREMIA 29:6

nuhmeihai nei unla, naupasalhai, naunuhmeihai nei unla: in naupasalhai nuhmei inneitir unla, in naunuhmeihai khawm pasal inneitir bawk unla, naupasalhai le naunuhmeihai an nei theina dingin; chutaka chun hung pung pei unla, kiem tieng pan ta naw ro.

RORELTUHAI 14:1

Samson chu Timna khuoah a zu fe a, Timnaa chun Philistin mihai naunuhmeihai laia mi nuhmei pakhat hi a zu hmu a.

RORELTUHAI 14:3

A nu le pa ruok chun a kuomah, “I unauhai naunuhmeihai laia manih, ei chihai po po laia hin amanih nuhmei an um dêr naw nîng a ti maw, Philistin mi, sertanlohai laia nuhmei ding i zu zawng el chu?” an ti a. Samson ruok chun a pa kuomah, “Mi neipêk el rawh, ka dit êm i sawnnâwm ie,” a ti a.