RORELTUHAI 14:16 - Pathien Lekhabu Inthieng (BSI)

¹⁶ Chuongchun, Samson nuhmei chu a hmaa chun a ṭap a, “Mi hmangai lovin i mi theida a lo ni lem hi tie: ka chihai chu thukhir în dawn a, kei hlak i mi hrilfie ve si naw a,” a ti a. Ama chun a kuomah, “Ngai ta, ka nu le ka pa khawm ka hril naw a, nang ka hril ding che maw?” a ti a.

RORELTUHAI 14:16 Iomraidhean Croise

INṬANNA 2:24

Chuleiin, pasalin a nu le pa mâksan a ta, a nuhmei chel a tih, chuongchun, tisa pumkhat hung ni tâng an tih.

RORELTUHAI 14:17

Chun, a ruoiṭhe, ni sari sûng po chu a hmaah a ṭap a ṭap el a, chun a ni sari ni chun a ngên tlut tlut el leiin a hril ta khawng khawng a; chun, ama chun thukhir chu a chihai chu a hril ve ta a.

RORELTUHAI 16:15

Chun, a kuomah, “I lungril hi i mi pêk hlek si naw a, iengtiziea, ‘Ka hmangai che,’ ti thei am i ni leh? Hi ṭum thum rau i mi hlêmna i suklang ta a, i hrât vieuna san hi i mi la hril dêr da el a” a ti a.

RORELTUHAI 16:16

Chuonga ni tin ela a mawr rak a, a ngên tlut tlut leiin, thina khawp rauin a lungvar a hung lunginzîng ta a.