RORELTUHAI 13:6 - Pathien Lekhabu Inthieng (BSI)

⁶ Chun, nuhmei chun a pasal kuomah, “Pathien mi mi pakhat ka kuomah a hung a, a hmêl chu vântirko hmêl ang ṭiumtak a nih, khâwtienga mi am a ni kân dawn ta chuong naw a, ama chun a hming hlak a mi hril naw bawk a;

RORELTUHAI 13:6 Iomraidhean Croise

INṬANNA 18:2

A hang dâk a, a thlîr a, a kâwl ela mi pathum lo ngirhai chu a hmu a; a hmu phingleh puon in kawtkhâra inthawk anni chu tuok dingin a va tlân a, hnuoi sikin chibai a bûk a,

INṬANNA 32:29

Chun, Jakobin ama chu ân dawn a, “Lunginsiettakin i hming mi hril rawh,” a ti a. Ama chun, “Iengleia ka hming indawn am i ni a?” a ti a. Chun, chutaka chun Jakob chu mal a sâwm ta a.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

1 LALHAI 17:24

Nuhmei chun Elija kuoma chun, “Tu zet hin chu Pathien mi i na, i baua Lalpa thu hi thutak a nih ti ka hung hriet tah,” a ta.

2 LALHAI 4:16

Chun, ama chun, “Hi hun pha hin, hun a hung inlet nâwk pha chun naupasal pawm tâng i tih,” a ta. Chun, ama minu chun, “Ni lo e, pu, nang Pathien mi, i siehlawnu kuoma hin khêl hril naw rawh,” a ta.

2 LALHAI 4:9

Chun, ama chun a pasal kuomah, “Ngai ta, hi mipa mi hung sir rawp hlaktu hi Pathien mi inthieng a nih ti ka hriet a nih.

FESUOKNA 3:2

Chun, Lalpa vântirko, chîmbukah mei chawkin a kuomah a hung inlâr a; a en a, chîmbuk meia chawk zur zura a chîmbuk chu kâng hmang si lo chu a hmu a.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

DANIEL 10:11

Chun, ka kuoma chun, “Aw nang nasataka ditsaka umpa Daniel, i kuoma ka thuhrilhai chu a ngaina hre la, ngîr inzang rawh; tuhin i kuoma hung tir ka ni si a,” a ta. Hi thu hi ka kuoma a hung hril phing chun inthin pumin ka ngîr ta a.

DANIEL 10:5

ka mithai vân tieng ka hang inlên a, ka en a, mi pakhat puon zai inhmia inthuom, a kâwnga Uphaz rângkachak inthienga inkhit hi ka hmu a;

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭi a, ka bawkkhup ta a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

LUKA 1:19

Vântirko chun a dawn a, a kuomah, “Gabriel, Pathien hmaa ngîr hlak ka na; a be ding che le, chuong thu ṭha chu hril ding chea hung tir ka nih.

LUKA 9:29

Chun, a ṭawngṭai laiin a hmêl umzie chu a hung danglam a, a silfênhai chu a hung vâr a, mi elkhal theiin a um ta a.

THILTHAWHAI 6:15

Chun, rorêltuhai ṭhung po po chun Stephan an en zing a, a hmêl chu vântirko hmêl angin an hmu a.

DÂN PAHNINA 33:1

Hi malsâwmna hin a nih Pathien mi Mosie chun a thi hmaa Israel mihai mal a sâwm chu:

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

JOSUA 14:6

Chuongchun, Juda thlahai chu Gilgalah Josua kuomah an va fe a, Keniz mi Jephunne naupa Kaleb chun a kuomah, “Kades-barneaa Pathien mi Mosie kuoma Lalpain ka chungchâng le nanga chungchâng thu a hril kha i hriet a.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

RORELTUHAI 13:10

Chun nuhmei chu inhmâwtakin a tlân ta a, a pasal chu a va hril a, a kuomah, “Ngai ta, ni khat nia ka kuoma hung bawk kha, ka kuomah a hung inlâr nâwk tah,” a ti a.

RORELTUHAI 13:22

Chun, Manoa chun, a nuhmei kuomah, “Ei thi ngei ding a nih, Pathien ei hmu tlat si a,” a ti a.

RORELTUHAI 13:3

Chun, Lalpa vântirko a nuhmei kuoma chun a hung inlâr a, a kuomah, “Ngai ta khai, i ching a, nau hrim i la vawn ngai naw a, nisienlakhawm, inrai i ta, naupasal nei i tih.

RORELTUHAI 13:7

amiruokchu, ka kuomah, ‘Ngai ta, inrai i ta, naupasal nei i tih, chuongchun, uoin le zu hrim dâwn naw la, fâk thieng lo thil hrim khawm fa dêr naw rawh, naupang chu sula a um laia inthawka a thi chenin Pathien ta dinga Nazarit mi a ni ding a ni si a,’ a ti a,” tiin a hril a.

RORELTUHAI 13:8

Chun, Manoain Lalpa kuomah a ngên ta rak a, a kuomah, “Aw Lalpa, ka hni che, Pathien mi i hung tir kha kan kuomah hung nâwk sienla, naupang hung pieng ding chu ieng tin am a na kan thaw ding mi hung inchûktir raw se,” a ti a.

RORELTUHAI 6:11

Chun, Lalpa vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

1 SAMUEL 2:27

Chun, Eli kuoma chun Pathien mi pakhat a hung a, a kuomah, “Lalpa chun hieng ang hin a tih, ‘Aigupta rama Pharao suoka an um lai khan in thlatu kuoma khan kân lâr a ni naw am a nih?

1 SAMUEL 9:6

Ama chun a kuomah, “Ngai ta, hi khuoa hin Pathien mi a um a, mi inzaumtak a na, a hril taphawt chu a hung tlung ngei ngei hlak a nih, hung rawh, chutaka chun va fêng ei tih, ei fena dâm hi a mi hril thei miel rawi mawh,” a ta.