RORELTUHAI 13:12 - Pathien Lekhabu Inthieng (BSI)

¹² Chun, Manoa chun, “I thu ang pei chun hung tlung raw se, naupang umdân ding chu iengtin am nîng a ta, ieng am nîng a ta a thaw ding chu?” a ti a.

RORELTUHAI 13:12 Iomraidhean Croise

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INPÂKNA HLABU 143:8

Zîngkâr chun i ngilneina thu mîn hriettir la, Nang ka ring si che a; Ka fena ding lampui chu mîn hriettir la; Ka lungril hi i kuomah ka sie tlat hlak si a.

THUVARHAI 22:6

Naupang chu a hraw ding lampuiah chun inchûktir la, A hung upat hnung khawma chutaka inthawk chu pêt ngai naw nih.

THUVARHAI 4:4

Chun, a mîn chûktir a, ka kuomah a hril a, “Ka thuhai hi i lungril invawngtir zing la; Ka thupêkhai hi vawng la, hring rawh;

EPHESI 6:4

Chun, nangni pahai, in nauhai suklungsen naw unla, Lalpa thununna le kâwknaa chun enkawl lem ro.

RORELTUHAI 13:11

Manoa chu a tho a, a nuhmei chu a zui a, ama kuom chu a va tlung a, a kuomah, “Nang hi i ni maw nuhmei kuoma thuhriltu chu?” a ti a. Ama chun, “Ka nih,” a ti a.

RORELTUHAI 13:13

Lalpa vântirko chun Manoa kuomah, “Nuhmei kuoma ka hrilhai po po kha ngaituo ṭha el raw se,