RORELTUHAI 12:5 - Pathien Lekhabu Inthieng (BSI)

⁵ Chun, Gilead mihai chun Ephraim mihai depa Jordan vadung kaihai chu an lo man a, chun Ephraim mi tlân hmanghai tu el khawmin, “Hung kai ka tih,” a ti pha chun, Gilead mihai chun a kuomah, “Ephraim mi i ni am?” an lo ti pei a.

RORELTUHAI 12:5 Iomraidhean Croise

1 LALHAI 11:26

Chun, Nebat naupa Jeroboam, Zereda khuoa Ephraim mi, Solomon siehlaw khawm chun (a nu hming chu Zerua a na, hmeithai a nih) lal chunga chun a kut ân let ve a.

JOSUA 2:7

Chun, mihai chun Jordan vadung tieng chun kai chen chun an va hnawt ta a; chun, a hnawttuhai chu an suok phing le chun dai kawtkhâr chu an khâr ta a.

JOSUA 22:11

Chun, Israel thla mi danghai chun, “Ngai ta u, Reuben mihai le, Gad mihai le Manasse hnam zâtvehai khan Kanaan ram bultak Jordan biel, Israel thlahai ram tieng pangah maichâm an siem a,” tia mî hril an hriet a.

RORELTUHAI 12:4

Chuongchun, Jeptha chun Gileada mi po po chu a ko khâwm a, Ephraim mihai chu a do ta a; chun Gilead mihai chun Ephraim mihai chu an that an that a, “Nangni Ephraim hnam tlân hmang Gileadhai, Ephraimhai lai le Manasse mihai laia ṭhang ve mei meihai,” an ti hlak leiin.

RORELTUHAI 12:6

Ama chun, “Ni lo e,” a ti chun a kuomah, “Shibboleth hang ti ta,” an lo ti a, chun, ama chun, “Sibboleth,” a ti lem ta hlak a, a lam fie ve thiem si naw a, chuongchun, an man a, Jordan vadung kaihaia chun an lo that pei a; chuongchun, chu ṭum chun Ephraim mihai chu sîng li le sâng hni an that a.

RORELTUHAI 17:7

Chun, Bethlehem-judaa mi Juda hnam, Levi chi tlangvâl pakhat a um a, chutaka chun a va um ve vak a.

RORELTUHAI 3:28

Chun, ama chun, “Mi zui ro khai, Lalpain in hmêlma Moab mihai hi a pêk ta cheu a nih,” a ti a. Chuongchun, an zui thlâk a, Moab ram dep Jordan vadung kaihai chu an lâk a, tukhawm an inkaitir phal ta naw a.

RORELTUHAI 7:24

Chun, Gideon chun Ephraim tlâng ram po poa chun, “Midianhai hi hung thaw ro, Beth-bara chenin vadunghai chu lo lâk khal unla, Jordan vadung leh,” tiin mihai ân tlân vêltir a. Chuongchun, Ephraim mihai po po chu an pung khâwm a, Beth-bara chenin vadunghai chu Jordan vadung leh an lo lâk khal vawng a.

1 SAMUEL 1:1

Ephraim tlâng rama Ramathaim-zophim khuoa chun mi pakhat a um a, a hming chu Elkana a nih; ama chu Jeroham naupa a na, ama chu Elihu naupa a na, ama chu Tohu naupa a na, ama chu Ephraim mi Zuph naupa a nih.