RORELTUHAI 12:4 - Pathien Lekhabu Inthieng (BSI)

⁴ Chuongchun, Jeptha chun Gileada mi po po chu a ko khâwm a, Ephraim mihai chu a do ta a; chun Gilead mihai chun Ephraim mihai chu an that an that a, “Nangni Ephraim hnam tlân hmang Gileadhai, Ephraimhai lai le Manasse mihai laia ṭhang ve mei meihai,” an ti hlak leiin.

RORELTUHAI 12:4 Iomraidhean Croise

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

NEHEMIA 4:4

Aw kan Pathien, en ta, hmusitin kan um hi, an mi hrilsietna chu anni lu chunga ngei inlêttir la, anni khawm khâwlai rama manih muolphotakin intângtir zing rawh;

INPÂKNA HLABU 78:9

Thalngula inthuoma Ephraim mihai chu, Indo ni chun an hnungkîr a.

THUVARHAI 12:13

Hmûrhai bawsietnaa chun mi rilo châng chu a um a, Mi fel ruok chu buoinaa inthawk chun hung suok a tih.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

RORELTUHAI 11:10

Gilead mi upahai chun Jepthah kuomah, “Lalpa chu ei inkâra hretu nîng a ta, i thu ang chun thaw ngei ngei kan tih,” an ti a.

RORELTUHAI 12:3

Nangni hlaka in mi sansuok nuom nawh ti ka hriet phingleh thi dâwn hlek lovin ka ṭhang a, Ammon mihai chu do dingin ka vân thawk a, chuongchun, Lalpain anni rawi chu ka kutah a pêk ta a; chuleiin, ieng dinga kei mi do dinga vawisûn hin hung inthawk am in ni a?” a ti a.

RORELTUHAI 12:5

Chun, Gilead mihai chun Ephraim mihai depa Jordan vadung kaihai chu an lo man a, chun Ephraim mi tlân hmanghai tu el khawmin, “Hung kai ka tih,” a ti pha chun, Gilead mihai chun a kuomah, “Ephraim mi i ni am?” an lo ti pei a.

1 SAMUEL 25:10

Chun, Nabal chun David siehlawhai chu a dawn a, “David chu tu am a ni leh? Jesai naupa chu tu am a ni leh? Tulai hin siehlaw tamtak puhai tlân hmangsan an tam el a.