RORELTUHAI 11:8 - Pathien Lekhabu Inthieng (BSI)

⁸ Gilead mi upahai chun Jepthah kuomah, “Chu lei tak chun a nih annâwm, tuhin nanga tieng kan hung ngha nâwk chu, Ammon mihai va do dinga keini le i fe theina dingin; chun, Gilead rama umhai po po chungah kan hotuah um i tih,” an ti a.

RORELTUHAI 11:8 Iomraidhean Croise

1 LALHAI 13:6

Chun, lal chun a dawn a, Pathien mi kuoma chun, “Ka kut hi a hung dam nâwk theina dingin Lalpa i Pathien ngên la, mi ṭawngṭaipêk ta khai,” a ta. Chun, Pathien mi chun Lalpa kuoma chun a ngên a; chun, lal kut chu a hung dam nâwk ta a, a hma ang bawkin a hung um nâwk ta a.

FESUOKNA 10:17

Tuhin ka ngên che hi, ka suol hi vawikhat bak mi ngaidam nâwk phawt la, hi thina hi keimaa inthawka a lâkhmang theina dingin Lalpa chu mi hnipêk rawh,” a ti a.

FESUOKNA 8:28

Pharao chun, “Lalpa in Pathien kuoma chun thlalêra in inthâwi theina dingin infetir ka ti cheu, amiruokchu, hlatakah fe naw unla, ka ta ding khawmin mi ngênpêk rawh,”a ti a.

FESUOKNA 8:8

Pharao chun Mosie le Aron a ko a, “Lalpa chu ngên ro, ka mihai le ka kuoma inthawkin uṭawkhai hi lahmang sienla; chun, Lalpa kuoma an inthâwi theina dingin mipui chu infetir ka tih,” a ti a.

FESUOKNA 9:28

Hun ta raw se, riel le vâninrûm ri nasatakhai hi a bona dingin Lalpa chu hni la, chuongchun, infetir ka ti cheu, um ta hrim hrim naw ti niu,” a ti a.

RORELTUHAI 10:18

Chun, mipuihai, Gilead rama mi lienhai chu an inbiek a, “Ammon mihai thaw phuttu ding hi tu am a um a? Gilead ram po poa hotuah um a tih,” tiin.

RORELTUHAI 11:9

Chun, Jepthah chun Gilead mi upahai kuoma chun, “Ammon mihai do dinga in mi ṭhuoi nâwk a, Lalpain anni chu a mi pêk chun in hotuah um takzet ka ti maw?” a ti a.