RORELTUHAI 11:7 - Pathien Lekhabu Inthieng (BSI)

⁷ Jepthah chun Gilead mi upahai kuoma chun, “In mi theida a, ka pa ina inthawk khan in mi hnawt suok a ni naw am a nih? In lunginzîng phinga iengdinga ka kuoma hung am in ni leh?” a lo ti a.

RORELTUHAI 11:7 Iomraidhean Croise

INṬANNA 26:27

Isak chun an kuomah, “In mi theida a in kuoma inthawkin in mîn fe hmangtir si a, iengdinga ka kuoma hung am in ni a?” a ta.

INṬANNA 37:27

Thaw ro, a chungah kut thlâk lovin Ismael mihai kuoma sawn zawr el lem ei tiu; ama hi ei sang, ei tisa ngei a ni si a,” a ti a. A unauhai chun a thu chu an zâwm ta a.

THUVARHAI 17:17

Ṭhien chun ieng lai khawmin a hmangai a, Unau chu lunginzîng ni dinga pieng a nih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.

RORELTUHAI 11:6

Chun, Jepthah kuoma chun, “Ammon mihai kan do theina dingin kan hotu takah hung um ta la,” an ti a.