RORELTUHAI 10:6 - Pathien Lekhabu Inthieng (BSI)

⁶ Israel mipui chun Lalpa mithmua thil suol chu an lo thaw nâwk ta a, Baalhai le Astaroth, Suria mihai pathienhai, Zidon mihai pathienhai, Moab mihai pathienhai, Ammon mihai pathienhai, Philistin mihai pathienhai rawng an lo bâwl ta a; chuongchun, Lalpa chu an nghatsan a, a rawng an bâwl ta naw a.

RORELTUHAI 10:6 Iomraidhean Croise

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:5

Solomon chun Zidon mihai pathiennu Astoreth le Ammon mihai pathien tirdakumtak Milkom chu a lo zui ve ta a.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

1 LALHAI 16:31

Chun, Nebat naupa Jeroboam suolna ang thaw ve dâm chu ienga khawm ngailo ni âwmtakin, Zidon mihai lal Ethbaal naunu Jezebel nuhmeiah a nei a; Baal rawng dâm bâwlsanin a biek ve ta el a.

2 LALHAI 17:16

Chun, Lalpa an Pathien thupêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 23:13

Chun, Jerusalem bul sietna tlâng changtieng panga Zidonhai pathien tirdakumtak Astoreth ta ding dâm, Moabhai pathien tirdakumtak Kemos ta ding dâm, Ammon thlahai pathien tirdakumtak Milkom ta ding dâm, Israel lal Solomonin bâwlhmun a siemhai chu lal chun a sukbo vawng a.

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

INPÂKNA HLABU 106:36

A milim rawnghai an bâwl a, Chuong chu an ta dingin châng a lo ni tah.

ISAI 23:4

Aw Sidon, inzak rawh: tuipui, tuipui kulpui chun, thu a hril ta si a, “Nauha se kân vawi ngai naw a, nau ka nei ngai bawk nawh, tlangvâl hlak ka châwm ngai bawk naw a, nunghâk khawm ka vailien ngai nawh,” tiin.

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

EZEKIEL 27:16

I kutsuok thil tam leiin Suria chu i sumdâwngtu a na, lunghluhai, puon dum pâwl hai, ṭhuimawi hai, puonzai inhmi hai, lungmantamhai le, tuihuom lunghaiin an sumdâwng a.

DÂN PAHNINA 13:6

“I unaupa, in pa naupa amanih, in nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin a rûkin, “Pathien dang rawng bâwl ei tiu khai’ tia nang amanih, in thlatuhai la hriet naw,

DÂN PAHNINA 13:8

in remtipui ding a ni naw a, in pawm ding a ni bawk nawh; in lunginsiet ding a ni naw a, hla khawm in hla ding a ni naw a, in thup ding a ni nawh;

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

JOSUA 13:31

Gilead ram zâtve le Basan ram lal Og rama Astaroth dâm, Edrei khuohai leh; chuong chu Manasse nau Makir thla, Makir thla zâtvehai ta dingin, an sûngkuo izir ang peia a ruot a nih.

RORELTUHAI 10:5

Chun, Jair chu a thi a, Kamon khuoah an phûm a.

RORELTUHAI 11:24

I pathien Kemos-in i puola a lo ruotpêk che chu i nei el ding a ni naw am a nih? Chun, Lalpa kan Pathienin kan hmaa a lâkpêkhai chu kan nei ding a nih.

RORELTUHAI 13:1

Israel thlahai chun Lalpa mithmua thil suol an thaw nâwk ta a, chuongchun, Lalpain anni chu Philistin mihai kutah kum sâwmli ân umtir a.

RORELTUHAI 16:23

Chun, Philistin mihai mi lienhai chu an pathien Dagon kuoma inthâwina ropuitak inhlân ding le insukhlim dingin an pung khâwm tâwl a, “Ei pathienin ei hmêlmapa Samson a mi pêk tah annâwm,” an ti a.

RORELTUHAI 3:7

Chun, Israel thlahai chun Lalpa mithmuah thil suol an lo thaw a, Lalpa an Pathien chu an theinghil a, Baalhai le Aserah rawng an bâwl a.

RORELTUHAI 4:1

Ehud thi hnung chun Israel thlahai chun Lalpa mithmuhah thil suol an lo thaw nâwk ta a.

RORELTUHAI 6:1

Israel thlahai chun Lalpa mithmuah thil suol an thaw a; chuleiin, Lalpain Midianhai kutah kum sari ân umtir a.

RORELTUHAI 8:33

Chun, Gideon a thi phing chun Israel mipui chu an hnungtawl nâwk nghâl ta a. Baalhai kuoma chun, an hung uire ta a, Baal-berith chu an pathienah an hung siem a.

1 SAMUEL 5:2

Chun, Philistin mihai chun Pathien bâwm chu an lâk a, Dagon biekna inah an lâklût a, Dagon kâwla chun an sie a.