RORELTUHAI 10:11 - Pathien Lekhabu Inthieng (BSI)

¹¹ Lalpa chun Israel mihai kuoma chun, “Aigupta mihaia inthawk, Amor mihaia inthawk, Ammon mihaia inthawk le, Philistin mihaia inthawk dâmin ka sansuok cheu ni lo am a nih?

RORELTUHAI 10:11 Iomraidhean Croise

FESUOKNA 14:30

Chu ni chun Lalpain Israelhai chu Aigupta mihai kuta inthawkin a sanhim ta a, tuipui kam vêla Aigupta mi thihai chu Israelhai chun an hmu a.

NAMBAR 21:35

Chuongchun, ama khawm, a naupasalhai khawm, hla hrim hrim nei lovin a mihai leh an that a; a ram chu an hluopêk ta a.

HEBRAIHAI 11:29

Ringnain khawmuola fe angin Tuipui Sena khan an fe kai a; Aiguptahaiin chu chu thaw an tum ve a, lem zoin an um ta a.

RORELTUHAI 2:12

Lalpa an thlatuhai Pathien, Aigupta rama inthawka anni ṭhuoi suoktu kha an nghatsan a, pathien dang, an kâwl vêla umhai pathienhai laia mi chu an zui a, chibai an bûk a; chuongchun, Lalpa chu an suklungsen ta a.

RORELTUHAI 3:28

Chun, ama chun, “Mi zui ro khai, Lalpain in hmêlma Moab mihai hi a pêk ta cheu a nih,” a ti a. Chuongchun, an zui thlâk a, Moab ram dep Jordan vadung kaihai chu an lâk a, tukhawm an inkaitir phal ta naw a.

RORELTUHAI 3:31

Chun, ama hnunga chun Anath naupa Samgar a hung inlang ve a, ama chun Philistin mi, mi za ruk sebâwng sunna hmawlin a sun hlum a; ama bawk chun Israelhai chu a sansuok a nih.

1 SAMUEL 12:8

Aigupta rama Jakob a lût hnung khan, in puhai chun Lalpa an ko a, chuongchun, Lalpa chun Mosie le Aron a tir a, anni chun in puhai chu Aigupta rama inthawkin an ṭhuoi suok a, hi hmuna hin an inumtir ta a.