RORELTUHAI 1:1 - Pathien Lekhabu Inthieng (BSI)

¹ Josua thi hnung chun Israel thlahaiin, “Keini ta dinga Kanaan mihai chu thawa do dingin tu am hang fe hmasa phawt a ta le?” tiin Lalpa chu an râwn a.

RORELTUHAI 1:1 Iomraidhean Croise

1 LALHAI 22:5

Chun, Jehosaphat chun Israel lal kuoma chun, “Lalpa thu chu la ngai hri phawt la tie,” a ta.

FESUOKNA 18:15

Mosie chun a tarpupa kuomah, “Mipui chu Pathien ti zâwng indawn dinga ka kuoma an hung leiin a nih.

FESUOKNA 28:30

Rorêlna âwmbela chun Urim le Thummim inbûk i ta, Lalpa hmaha a fe laiin Aron lung chung taka chun an um ding a nih; chuongchun, Aron chun Israel thlahai rorêlpêkna chu Lalpa hmaah a lung chunga chun a phur zing zing ding a nih.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun Lalpa hmaah Urimin thu la pêk a ta, a thuin suok an ta, a thuin lût an ta, ama le Israel mi po pohai, pungkhâwmhai po po leh,” a ta.

RORELTUHAI 1:27

Manasse chun Beth-sean le a khaw chinhaia umhai, Taanak le a khaw chinhaia umhai, Dor le a khaw chinhaia umhai, Ibleam le a khaw chinhaia umhai, Megiddo le a khaw chinhaia umhai chu a hnawt suok naw a; chu rama chun Kanaan mihai chu an um zing ta lem a.

RORELTUHAI 2:21

chuleiin, kei khawma tuta chin chu Josua thi hmaa hnawt suok bâk hnamhai hi hnawt suokpêk ta naw ning ah:

RORELTUHAI 2:8

Chun, Nun naupa Josua Lalpa siehlaw chu kum za le sâwm miin a thi a.

RORELTUHAI 2:9

Gaash tlâng hmârtieng pang Ephraim tlâng rama ama chanpuol ramri sûng Timnath-heresa chun an phûm ta a.

RORELTUHAI 20:18

Chun, Israel thlahai chu an tho a, Bethelah an hang fe a, Pathien an hang râwn a, “Benjamin mihai chu tu am a na hang thaw hmasa ding?” an ti a. Lalpa chun, “Judahai hang fe hmasa raw se,” a ti a.

RORELTUHAI 20:23

(Chun, Israel thlahai chu an hang fe a, Pathien hmaah zântieng chenin an hang ṭap a, “Kan unau Benjamin mihai hi do dingin kan hang inthawk nâwk ding am a nih?” tiin Lalpa an indawn a. Lalpa chun, “Hang thaw nâwk ro,” a ti a).

RORELTUHAI 20:27

Chun, Israel thlahai chun Lalpa an râwn a, (chuong lai chun chutaka chun Pathien Thuthlung bâwm chu a um a;

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin mihai chu kan hang thaw nâwk ding am, kan tâwpsan el ta ding?” tiin. Lalpa chun, “Hang fe ro, zînga chu chu in kutah ka pêk ta ding a nih,” tiin a dawn a.

1 SAMUEL 10:22

Chuongchun, Lalpa chu an hang indawn nâwk a, “Mi dang la hung ding an um am?an ta. Chun, Lalpa chun a dawn a, “Ngai ta u, thuomhnaw lai ân bihmang a nih,” a ta.