NEHEMIA 9:5 - Pathien Lekhabu Inthieng (BSI)

⁵ Chuongchun, Levi mi, Jesua, Kadmiel, Bani, Hasabneia, Serebia, Hodia, Sebania le Pethahia hai chun an hril a, “Ngîr unla, Lalpa in Pathien chu chatuona inthawka chatuon chenin inpâk ro khai; chun, chawimawina le inpâkna po po khawmin a phâk lo, i hming ropui chu inpâkin um raw se.

NEHEMIA 9:5 Iomraidhean Croise

1 LALHAI 8:14

Chun, lal chu a hnungtieng chun a ngha a, Israel hung pungkhâwmhai po po chu mal a sâwm a, chuongchun, Israelhai pungkhâwmhai po po chu an ngîr ṭhuop a.

1 LALHAI 8:15

Chun, ama chun, “Lalpa Israelhai Pathien, ka pa David kuoma ama bau ngei a,

1 LALHAI 8:22

Chun, Solomon chu Lalpa maichâm hma, Israel pungkhâwmhai po po hmua chun a ngîr a, vân tieng banin a kut a phar a.

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

1 CHANCHIN SUINA 16:36

Lalpa Israelhai Pathien chu inpâkin um raw se. Chatuona inthawka chatuon chenin. Chun, mipui po po chun, “Amen,” an lo tih a, Lalpa an inpâk ta a.

1 CHANCHIN SUINA 29:11

Aw Lalpa, ropuina dâm, thilthawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng si a; Aw Lalpa, lalram chu nangma ta a na, mi po po chungah nang chu lu anga chawimawiin i um hi.

1 CHANCHIN SUINA 29:13

Chuleiin, tuhin, kan Pathien, i hming ropui chu kan inpâkin, lâwmthu kan hril che.

1 CHANCHIN SUINA 29:20

Chun, David chun, mipui inkhâwmhai po po kuoma chun, “Tuhin Lalpa in Pathien chu inpâk ro,” a ta. Chuongchun, mipui inkhâwmhai po po chun Lalpa an thlatuhai Pathien chu an inpâk a, an luhai an kûn a, lal le Lalpa chu chibai an bûk ta a.

2 CHANCHIN SUINA 20:13

Chuongchun, Juda mihai po po chu Lalpa hmaa chun an nauhai le an nuhmeihai le an nautêhai rawi leh chun an ngîr a.

2 CHANCHIN SUINA 20:19

Chun, Kohath mihai le Kora thla Levi mihai chu râwl nasataka inringa Israel Pathien Lalpa chu inpâk dingin an ngir ta a.

EZRA 3:11

Lalpa kuoma lâwmthu hrilin le inpâkin insawntuoin hla an sak a, “Ama chu a ṭha si a, Israelhai chunga a zângaina chu kumkhuoin a um zing si a,” tiin. Chun, Lalpa in lungphûm chu phûm a ni ta leiin, Lalpa an inpâk lei chun mipui chu khêkri nasatakin an khêk a.

NEHEMIA 9:4

Chuongchun, Levi mihai dawkân insânga chun Jesua, Bani, Kadmiel, Sebania, Bunni, Serebia, Bani, Kenani hai chu an ngîr a; inringtakin Lalpa an Pathien chu an ko a.

NEHEMIA 9:6

“Nangma chau hi Lalpa i na, vânhai vân le a sûnga um po pohai le, leihnuoi le a sûnga um po pohai leh, tuisuoriet le a sûnga umhai po po leh i siem a, a rêng chun i kawl ṭha hlak a; chun, vâna umhai chun chibai an bûk hlak che kha.

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; Lalpa chun a pêk a, Lalpa chun a lâk hmang nâwk tah a ni chu; Lalpa hming chu inpâkin um raw se,” a ta.

INPÂKNA HLABU 106:2

Tu am Lalpa thilthaw ropuitakhai hril thei a, Ama inpâkna po po inhriettir vawng thei le?

INPÂKNA HLABU 134:1

Ngai ta u, Lalpa siehlaw, Lalpa ina zâna ngîr hlak po pohai, Lalpa chu inpâk ro.

INPÂKNA HLABU 145:2

Ni tin inpâk ka ti che a, I hming hi kumkhawtluongin inpâk ka tih.

INPÂKNA HLABU 145:5

Nangma chawimawina mawizie ropuitak le, I thilmak thawhai chu ngaituong ka tih.

INPÂKNA HLABU 146:2

Ka dam sûng po chun Lalpa chu inpâk ka ta, Ka hring sûng po chun ka Pathien inpâkin hla sak ka tih.

INPÂKNA HLABU 16:2

Lalpa kuoma chun, “Nang chu ka Lalpa i na, Nangmaa naw chun thil ṭha hrim ka nei nawh,” ka ti a.

INPÂKNA HLABU 66:2

A hming ropuizie chu hlain sak suok ro: Ama inpâkna chu sukropui ro.

INPÂKNA HLABU 99:3

Anni chun i hming ropuitak, ṭîumtak chu inpâk raw se, Ama chu ân thieng a nih.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 15:6

Aw Lalpa, i kut changtieng chu thilthawtheinain a ropui a, Aw Lalpa, i kut changtieng chun hmêlma chu a nuoihâwp a.

DANIEL 2:20

Daniel chun a dawn a, “Pathien hming chu chatuon chatuon chenin inpâkin um raw se, Varna le hrâtna dâm chu ama ta a ni si a.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

DÂN PAHNINA 28:58

“Lalpa in Pathien hming ropuitak le ṭiumtak hi in ṭi theina dinga hi lekhabua chuong thil po po hi fîmkhurtaka in zâwm naw chun.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

RORELTUHAI 13:18

Lalpa vântirko chun a kuomah, “Iengdinga ka hming i min dawn am? Hril mi a ni dêr nawh,” a ti a.