NEHEMIA 9:37 - Pathien Lekhabu Inthieng (BSI)

³⁷ Kan suol leia kan chunga lal dinga i ruothai hlak chun an neinung pha a, kan taksa chunga le kan ranhai chung takngiela khawm an nuom nuomin thu an nei a, kan lunginzîng êm êm el a nih,” tiin.

NEHEMIA 9:37 Iomraidhean Croise

EZRA 4:13

Hi khuo hi hienga an bâwl a, a kulhai an zo chun, leiman dâm, sie amanih, ram man amanih pe naw ni hai a, a tâwpa chun lalhai chu sukse ngei an tih ti hi lal chun lo hre bawk raw se.

EZRA 6:8

Chu bâka chun hi Pathien in bâwl chungthua hin Juda upahai kuoma chun ieng am in thaw ding a na ti hi thupêk ka hung siem bawk a nih; lal thuomhnaw, vadung râltieng leiman ngei khawm, danga an um nawna dingin sênghai ngei khawm chu ṭhahnemngaitaka hieng mihai hi pêk ding an nih.

EZRA 7:24

Chun, thiempuhai, Levi mihai, hlasaktuhai, kawtkhâr vêngtuhai, temple siehlawhai amanih, Pathien in rawngbâwltuhai hrim hrim chungthua chun, anni chu leiman amanih, ram man amanih, sie amani khawm inchawitir chu dân ni naw nih tiin thu kan pêk bawk che a nih,’

NEHEMIA 5:8

An kuomah, “Hnam dang kuoma zawra um ei unau Judahai chu ei thei ang angin ei intlan a; nangni hin in unauhai hi zawr in tum a ni maw? Nangni kuoma ngei hin zawr an ni ding a ni maw?” ka ti a. Chuongchun, an to zing a, dawnna ding iengkhawm an hriet naw a.

ṬAP HLA 5:5

A mi hnawttuhai chun kan rîngah an mi man a; Kan sâwl hle a, châwl kan hmu nawh.

LEVI DÂN 26:17

In chunga chun ka hmai sukthim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu hnawt lovin tlân in tih.

JOHAN 8:33

Anni chun a kuomah, “Abraham thlahai kan nih ie, tu chen hin tu suoka khawm kan la um ngai nawh, ‘Suok ni bân a ti cheu,’ ieng ti tia i ti am a na?” an ta.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,

DÂN PAHNINA 28:39

Grêp huon siem in ta, enkawl in ta, nisienlakhawm, a uoin chu dâwn naw ti niu a, grêp chu lo bawk naw ti niu, a ngêin a fâk zo ding a nih.

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

DÂN PAHNINA 28:51

“Chun, in ran ruol punghai, in hnuoi rahai dâm, sukram in ni hmakhat chu fâng an ta, bu dâm, uoin dâm, hriek dâm, in bâwng punghai dâm, in berâm ruol têhai chu hlapêk naw ni hai cheu; in siet letdêr chenin.