NEHEMIA 9:34 - Pathien Lekhabu Inthieng (BSI)

³⁴ kan lalhai dâm, kan mi lienhai dâm, kan thiempuhai dâm, kan pi le kan puhai khawmin i Dân chu an zâwm naw a, i thupêk le i thuinhriettir, anni i kâwknahai chu an pawm bawk nawh.

NEHEMIA 9:34 Iomraidhean Croise

2 LALHAI 17:13

Lalpa chun, “Dân zâwm ding in pi le puhai ka pêk le ka siehlaw zâwlneihai hmanga kân hriettir ang pei cheu chun, in umdân suol hi nghatsan unla, ka thupêkhai le ka thuruothai chu pawm ro,” tiin Israelhai le Judahai chu zâwlnei tin le hmutheitu tinhai chu hmangin ân hriettir hlak a.

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom naw a; thil teplo mei mei an pawm a, teplo mei mei an hung ni ta a; an chungchâng thua Lalpain, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk ve a.

2 CHANCHIN SUINA 29:6

Ei thlatuhai khan an lo bawsiet a, Lalpa ei Pathien mithmuah thil suol chu an lo thaw ta si a; an ngha hmang a; Lalpa umna hmuna inthawk chun an ngha hmang a, an hnung an innghat ta a.

EZRA 9:10

Chuongchun, tuhin, Aw kan Pathien, hi thua hin iengam hril tâng kan ta? I thupêkhai chu kan lo nghatsan ta si a:

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

NEHEMIA 9:33

Iengkhawm ni sienla kan chunga thil hung tlung po poa hin, nang chu i fel a; nang chun indiktakin thil i thaw a, keini ruok chun ṭha naw takin kan thaw a nih;

NEHEMIA 9:35

An chunga i ṭhat thei vei leh, an ramah, ram lientak le ram ṭhatak i pêka chun i rawng an bâwlpêk si naw che a, an thil suksuol khawm an bân chuong bawk nawh.

JEREMIA 29:19

anni chun ka thu an ngai naw leiin, Lalpa chun a tih; inhmataka thoa anni tirin, ka siehlaw zâwlneihai chu an kuomah ka tir a; nisienlakhawm, anni chu in lo ngai si nawh, Lalpa chun a tih.

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

EZEKIEL 5:6

Hnamhai nêka rîtlona thawin ka rorêl chunga chun a hel ta a; ram a vêla umhai nêkin ka thuruot chunga chun a hel ta bawk a; ka rorêlhai chu an inkîra, ka thuruothai chu zâwm khawm an zâwm nuom nawh.

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk naw a.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si naw a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a ti a.