NEHEMIA 9:32 - Pathien Lekhabu Inthieng (BSI)

³² Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

NEHEMIA 9:32 Iomraidhean Croise

1 LALHAI 8:23

“Aw Lalpa, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

2 LALHAI 15:19

Assuria lal Pula chun an ram chu a hung thaw a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 17:23

chuonghai chu Lalpain a zâwlneihai po po hmanga a lo hril ta anga anni chu a mithmu phâk nawa a sawn hmang hmakhat khan chu. Chuongchun, Israelhai chu an rama inthawkin Assuria ramah an ṭhuoi ta a, tu chen hin chutaka chun an la um ta zing a nih.

2 LALHAI 17:3

Assuria lal Salmaneserin a hang rûn a; chuongchun, Hosea chu a siehlawah a um ta a, sie dâm a pêk hlak a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 23:29

Ân lal lai chun Aigupta lal Pharao-Neko chu Assuria lal do dingin Euphrates vadungah a hang fe a; chun, lal Josia chun ama chu a hang thaw a; chun, Pharao-Neko chun ama chu a hmu phingleh Megiddo khuoah a that ta a.

2 LALHAI 25:7

Chun, Zedekia naupasalhai chu a mithmu ngeiah an that a, Zedekia mithai chu an khel dawk a, kawl an inbun a, Babulonah an fepui ta a.

EZRA 4:10

hnam dang danghai, milien le ropui Osnapparin a hnawt dawk a, Samari ram khawpuihaia ân umtirhai le vadung râltienga an umtirhai le chun chu lekha chu an ziek a na.

EZRA 4:2

Zerubbabel le pahnama upahai kuoma chun anni chu an hung a, an kuomah, “Nangni hi bâwlpui vêng kan ti cheu, in thaw ang bawkin in Pathien hi a ni sia kan zawng chu; chuongchun, Assuria lal Esar-haddon, hitienga keini mi hung ṭhuoitu huna inthawk ta kha ama kuoma chun kan inthâwi hlak tah a nih,” an ti a.

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khawhlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

NEHEMIA 1:5

“Aw Lalpa, vân Pathien, Pathien ropui le ṭium, nangma hmangaia i thupêk pawmtuhai chunga thuthlung hlena lunginsietna suklangtu,

INPÂKNA HLABU 47:2

Lalpa Achunghnungtak chu ṭi a um si a. Hnuoi chung po poah Lal ropuitak a nih.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

INPÂKNA HLABU 66:5

Hung ta u, Pathien thilthawhai hi en ta u, Mihriem nauhai chunga a thilthawa hin ṭi a um a nih.

FESUOKNA 18:8

Mosie chun, Israelhai leia Pharao chunga le Aigupta mihai chunga Lalpa thil thaw ta po pohai, lampuia an chunga rimsikna hung tlunghai le, Lalpain anni a sansuokzie chu, a tarpupa Jethro chu a hril ta a.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

DANIEL 9:4

Lalpa ka Pathien kuoma chun ka ṭawngṭai a, thuphachawina dâm ka siem a, “Aw Lalpa, i thupêkhai kawltu le, nangma hmangaituhai kuoma zângaina le thuthlung kawltu Pathien ṭiumtak le ropui;

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk naw a.

DANIEL 9:8

Aw Lalpa, i chungah thil kan lo suksuol ta leiin, keini chu kan lalhai leh, kan ṭhuoituhai leh, kan thlatuhai leh hmêl hamhaitak put kan nih.

LEVI DÂN 26:18

Chuong sa khawma ka thu in la pawm naw rawp chun, in suolhai leiin a let sariin la hrem ka ti cheu a;

LEVI DÂN 26:21

“Kei a mi kal zâwnga in um a, ka thu in pawm naw chun, in suolhai zirin a let sariin in chungah hremna intlungtir ka tih.

LEVI DÂN 26:24

kei khawm nangni kal zâwngin um ka ta, keima ngeiin in suolhai leiin a let sariin hrem ka ti cheu.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

DÂN PAHNINA 7:12

“Hieng rorêlhai hi in ngai a, in zâwm a, in thaw leiin Lalpa in Pathienin in pi le puhai kuoma ṭawng inkhâma a thuthlung le a lunginsietna chu in chungah vawng zing a ta;

DÂN PAHNINA 7:13

hmangai a ti cheu a, malsâwm a ti cheu a, sukpung a ti cheu a, pêk dinga in pi le puhai kuoma ân khâmna rama chun in rîla ra le in hnuoi ra khawm malsâwm bawk a tih, in bu dâm, in uoin dâm, in hriek dâm, in bâwngtehai le in berâmtehai khawm.

DÂN PAHNINA 7:21

Anni chu in ṭi ding a ni nawh; Lalpa in Pathien nangni lai a um chu, Pathien ropuitak le ṭiumtak a ni si a.

DÂN PAHNINA 7:9

Chuleiin, Lalpa in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,