NEHEMIA 9:31 - Pathien Lekhabu Inthieng (BSI)

³¹ Nisienlakhawm, i zainêmna nasatak chun an tâwp sawng elna ding chu în tlungtir naw a; i thlathlam chuong bawk nawh, Pathien mi lunginsiet theitak, lainatnaa sip i ni si a.

NEHEMIA 9:31 Iomraidhean Croise

2 LALHAI 13:23

Nisienlakhawm, Lalpain Abraham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom naw a, a kuoma inthawk chun a la pei thlâk nuom ta naw rawp a.

2 CHANCHIN SUINA 30:9

Lalpa kuom tieng in nghakîr nâwk chun, in unauhai le in thlahaiin sala ṭhuoituhai hmaa chun lunginsietna dawng an ta, hi rama hin hung nâwk an tih, ama kuomah in kîr phawt chun Lalpa in Pathien ngilneitak le zângai theitak a na, nghatsan naw ni cheu,” tiin.

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

NEHEMIA 9:19

i lunginsietna nasatak chun thlalêra khan i thlathlam chuong naw a: lampuia anni ṭhuoi dinga an chunga sûm ngîr chun sûnah anni a mâksan chuong naw a, anni ên ding le an fena lampui khîkhmu dinga meichawk ngîr khawm chun zânah a fesan bawk nawh.

ISAI 48:9

Ka sukbohmang nawna ding cheuin, ka hming leiin ka lunginsen chu khêk hrîng ka ta, inpâk ka hlawna dingin in chungah insûm ka tih.

JEREMIA 4:27

Lalpa chun hieng hin a ti si a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, Lalpa ta an ni si naw a.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, Lalpa chun a tih.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta si a;

DÂN PAHNINA 4:31

Lalpa in Pathien chu zângai theitak Pathien a ni si a; thlâthlam naw ni cheu a, sukbohmang naw bawk a ti cheu a, in pi le puhai kuoma inkhâma a thutiem chu theinghil naw bawk a tih.