NEHEMIA 9:29 - Pathien Lekhabu Inthieng (BSI)

²⁹ “I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thaw a, i thupêkhai an pawm naw a, i rorêlna kalin thil an suksuol a; (miin an zâwma an hringpui ding chu); chun, an tukhnungkhur an innghat a, an insukkâwmaw a, an ngai nuom naw a.

NEHEMIA 9:29 Iomraidhean Croise

2 LALHAI 17:13

Lalpa chun, “Dân zâwm ding in pi le puhai ka pêk le ka siehlaw zâwlneihai hmanga kân hriettir ang pei cheu chun, in umdân suol hi nghatsan unla, ka thupêkhai le ka thuruothai chu pawm ro,” tiin Israelhai le Judahai chu zâwlnei tin le hmutheitu tinhai chu hmangin ân hriettir hlak a.

2 LALHAI 17:14

Chuong sa khawm chun an pawm nuom naw a, an pi le pu, Lalpa an Pathien ring nuom nawhaiin an lûlul an insuo angin an lûlul an insuo ve a.

2 CHANCHIN SUINA 24:19

Lalpa kuoma hung ṭhuoi nâwk dingin an kuoma chun zâwlneihai a tir a; anni chu an lo ngâwk a, na an lo daw nuom naw a.

2 CHANCHIN SUINA 33:10

Chuongchun, Manasse le a mihai kuoma chun Lalpa chun thu a hril a, nisienlakhawm, an pawisa naw a.

2 CHANCHIN SUINA 36:15

A umna hmun le a mihai chu a lunginsiet leiin, an thlatuhai Pathien Lalpa chun an kuoma chun a tirkohai chu a tir a,

NEHEMIA 13:15

Chuong lai chun Juda rama chun châwlnia uoin sâwrna khura sir sâwr dâm, buphal hung phur dâm, uoin dâm, grêp dâm, theichang dâm, phurrik tinrêng inphurtir dinga siem sabengtung siem lai mêk dâm ka hmu a; chuong chu châwlniah Jerusalemah an hung phur lût a; fâk ding zawr nihaia chun ân dik nawzie kân hriettir a.

NEHEMIA 9:10

Pharao le a siehlawhai po po le, a rama mi po pohai chungah inchikna le thilmakhai în langtir a; chapotakin an chunga thil an thaw ti i hriet si a, chuongchun, tu chen hin hming în siem ta a.

NEHEMIA 9:16

Nisienlakhawm, anni le kan pi le puhai chun, chapotakin thil an thaw a, an insukkâwmaw a, i thupêk chu an pawm naw a,

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien Lalpa chun hieng hin a tih: ‘Ka hmaa insiehnuoi ieng chen am i nuom naw ding a ni a? Ka rawng an bâwl theina dingin ka mihai chu infetir rawh.

JEREMIA 17:23

nisienlakhawm, an ngai naw a, an na khawm an sit naw a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 19:15

“Sipaihai Lalpa Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 42:19

Aw Juda la um sunhai, nangni chungthuah Lalpa chun thu a hril a nih: Aiguptaa chu fe dêr naw ro: vawisûn hin in kuomah ka hrilfie ta a nih ti hi hre ngei ngei ro.

JEREMIA 43:2

Hossia naupa Azaria hai, Karea naupa Johanan hai, mi chapo po pohai chun Jeremia kuomah thu an hril a “Thukhêl i hril dêr a nih: ‘Chutaka va mikhuol dingin, Aigupta rama chun in fe ding a ni nawh,’ ti dingin Lalpa kan Pathien chun a hung tir naw che a;

JEREMIA 44:10

Vawisûn ni chen khawm hin an insukhnuoi naw a, an ṭi bawk naw a, ka dân khawm chu an zâwm bawk naw a, ka thuruothai khawm chu an hraw nawh; chuong in thlatuhai le nangni hma ngeia ka lo sie tahai kha.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

EZEKIEL 20:11

Ka thuruothai le ka rorêlhai, chuong chu miin an thaw a, an hring pui dinghai chu, an kuomah ka pêk a, kân entir bawk a.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw ta a, ân lalna lalṭhungphaa inthawk chun sie hnuoiin a um ta a, amaa inthawk chun a ropuina chu an lâk hmang a,

HOSEA 6:5

Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

LEVI DÂN 18:5

Chuleiin, ka dân le ka rorêl chu in zâwm ding a nih; chu chu mîn a thaw chun hring phâng a tih; kei hi Lalpa chu ka nih.

MATTHAI 19:17

Chun, ama chun a kuomah, “Thil ṭha thu iengdinga i mîn dawn? Ṭha chu pakhat chau a um, iengkhawm ni sienla, hringnaa lût i nuom chun thupêkhai chu zâwm rawh,” a ta.

LUKA 10:28

Ama chun a kuomah, “I dawn dik ngawt el ie; chuong ang chun thaw la hring i tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:5

Mosie chun, “Mi Dâna felna zâwm chu, chu felna zâra chun hring a tih,” tiin a ziek a.

GALATI 3:12

chun, Dân chu ringnaa inthawk a ni naw a, “Chuong anga thawtu chu chuonga chun hring a tih,” ti a ni lem.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si naw a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a ti a.

DÂN PAHNINA 31:27

Hel in chîngzie dâm, in kâwmawzie dâm ka hriet a nih; ngai ta u, tuta ka la dampui lai cheu hmana Lalpa chungah in hel hlak a; ka thi hnunga lem chu iengtin takin am a nasa ding chu aw!

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.

RORELTUHAI 6:10

chun keiin, Kei hi Lalpa in Pathien chu ka nih, in umna ram neitu Amor mihai pathienhai hi in ṭi dêr ding a ni nawh, ka ti a, nisienlakhawm, ka râwl chu in ngai si nawh,’ a ti a nih,” a ti a.