NEHEMIA 9:28 - Pathien Lekhabu Inthieng (BSI)

²⁸ Nisienlakhawm, râlmuonga an hung um hnung chun i mithmuah thil ṭha naw an thaw nâwk el a: chuleiin, an hmêlmahai kutah i pêk a; chuongchun, an chungah thu an nei a; nisienlakhawm, an hung inleta an ko lai che khan vâna inthawkin i lo ngai a; vawi tamtak i zainêmna chun i sansuok a.

NEHEMIA 9:28 Iomraidhean Croise

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni si a;)

INPÂKNA HLABU 106:42

Anni dotuhaiin an nêksâwr a, An kut hnuoia chun suktlâwmin an um ta a.

INPÂKNA HLABU 136:24

A mi dotuhaia inthawkin a mi sanhim a: A ngilneina chu kumkhawtluongin a um ding a ni si a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

RORELTUHAI 2:19

Nisienlakhawm, rorêltu chu a thi phingleh an hnungtawl nâwkin, pathien danghai rawng bâwla chibai bûk dinga zui thuah an thlatuhai nêkin an thaw ṭha naw nâwkzuol a, an thil thaw hlakhai le an lûlulna khawm an bân chuong naw a.

RORELTUHAI 3:30

Chuongchun, chu ni chun Moab mihai chu Israelhai hmaa chun an tlâwm ta a. Chun, ram chu kum sawmriet sûng râlmuongin a um a.

RORELTUHAI 4:1

Ehud thi hnung chun Israel thlahai chun Lalpa mithmuhah thil suol an lo thaw nâwk ta a.

RORELTUHAI 5:31

Chuong ang chun aw Lalpa, i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.