NEHEMIA 9:24 - Pathien Lekhabu Inthieng (BSI)

²⁴ Chuongchun, an thlahai chun ram chu an hluo ta a, chun, nangin chu rama um Kanaan mihai chu an hmaah i suktlâwm a, an nuom nuom an law dingin an lalhai le chu rama mihai le chun an kutah i pêk a.

NEHEMIA 9:24 Iomraidhean Croise

1 CHANCHIN SUINA 22:18

“Lalpa in Pathien chu in kuomah a um a ni naw am a nih? Kil tin ela chun muongna a pêk cheu a ni naw am a nih? A ram hluotuhai chu ka kutah a hung pêk tâwl ta si a; chun, a ram khawm chu Lalpa le a mihai hmaa chun an intuklût ta si a.

ESTHER 9:5

Chuongchun, Judahai chun an hmêlmahai po po chu kâwlhnâma sâtin an sât hlum tâwl a, suksietna le thatnain anni theidatuhaiin an chunga an thaw ding ang tak chun an thaw ta a.

NAMBAR 14:31

Amiruokchu, man el ding nîng an ta, in iti in nau le tehai ruok hi chu ṭhuoi lût ka tih, in dit naw ram chu hluong an tih.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.

JOSUA 10:40

Chuongchun, Josua chun a ram pumin, tlâng ram dâm, Sim ram dâm, phai ram dâm, ṭên pangpêr ram dâm chu sukse vawngin, an lal po pohai chu a sukhlum vawng a; pakhat bêk khawm hlâ hrim hrim a nei dêr nawh: Lalpa Israelhai Pathien thupêk angin, ân thuok thei taphawt chu a sukchimit vawng ta lem a.

JOSUA 11:23

Chuongchun, Lalpain Mosie kuoma a hril po po ang khan Josua chun ram pumpui chu a lâk ta a; chun, Josua chun Israel mihai chu an hnam inṭhe dân ang peiin an rochan dingin a pêk tâwl a; chuongchun, ram chu râlmuongin a um ta a.

JOSUA 12:12

Eglon lal pakhat; Gezer lal pakhat;

JOSUA 12:24

Tirza lal pakhat; lal po po chu sâwmthum le pakhat an nih.

JOSUA 18:1

Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.

JOSUA 21:43

Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.

JOSUA 21:45

Lalpain Israel sûnghai kuomah a ṭha tieng thu a lo hril ta hrim kha a thlâwn hrim hrim a um naw a, a hung tlung vawng a nih.

RORELTUHAI 4:23

Chuongchun, Pathienin chu ni chun Israel thlahai hmaah Kanaan ram lal Jabin chu a suktlâwm ta a.