NEHEMIA 9:15 - Pathien Lekhabu Inthieng (BSI)

¹⁵ an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

NEHEMIA 9:15 Iomraidhean Croise

INṬANNA 14:22

Abram chun Sodom lal kuoma chun, “Hnuoi le vân neitu Lalpa Pathien Chunghnungtak tieng chun ka bân ka phar tah a nih;

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw naw a, an dangchâr sukrêna dingin tui i pêk a.

INPÂKNA HLABU 114:8

Ama chun lungpui chu dîlah ân changtir a, Meitâwklung chu tuihnârah ân changtir bawk a.

FESUOKNA 16:4

Chun, Lalpa chun Mosie kuomah, “Ngai rawh, vâna inthawkin in ta dingin bei ka hung insûrtir ding a nih: mipui va fe suok an ta, ka dân an zâwm le an zâwm naw anni ka fie theina dingin ni tin ni khat tlatâwk la khâwm raw hai se.

FESUOKNA 17:3

Mipui hlak chu tui duin an dang a châr hle a, Mosie chunga chun an chier a, “Aiguptaa inthawk keini le kan nauhai le kan ran ruol leh dangchâra mi sukhlum dingin iengdinga i mi ṭhuoi suok am a na?” an ti a.

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

FESUOKNA 6:8

Abraham, Isak le Jakob kuoma pe dinga ka bân ka pharna hlak rama chun ṭhuoi lût ka ti cheu a; chu ram chu ro dingin pêng ka ti cheu: Lalpa ka ni hi,’ ” tiin.

ISAI 48:21

Thlalêrahai chun a ṭhuoi lai khan an dang a châr naw a; lungpuia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

EZEKIEL 20:15

Chu nawa khawm, ram po pohai ropuina, nênetui le khuoizua luong anni ka lo pêk ta rama chun anni chu ka ṭhuoi lût naw ding a nih tiin thlalêra khan an kuomah ka bân ka lo phar ta a;

NAMBAR 14:30

bân phar meua, Inumtir ka ti cheu, ka tina rama chun Jephunne naupa Kaleb le Nun naupa Josua chau naw chu lût naw tawp in tih.

DÂN PAHNINA 1:21

Ngai ta u, Lalpa in Pathien chun ram chu a pêk diem ta cheu a nih; hang fe unla, Lalpa in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka ti a.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 8:3

Mihriem hi bei chauin an hring naw a, Lalpa bâua thu tin suokin a nih ti ân hriettir theina ding cheuin a sukhnuoi cheu a, in ṭâm dâm a phal a, in hriet ngai lo, in pi le puhai khawma an hriet ngai lo manna chun a châwm cheu a.