NEHEMIA 9:10 - Pathien Lekhabu Inthieng (BSI)

¹⁰ Pharao le a siehlawhai po po le, a rama mi po pohai chungah inchikna le thilmakhai în langtir a; chapotakin an chunga thil an thaw ti i hriet si a, chuongchun, tu chen hin hming în siem ta a.

NEHEMIA 9:10 Iomraidhean Croise

NEHEMIA 9:16

Nisienlakhawm, anni le kan pi le puhai chun, chapotakin thil an thaw a, an insukkâwmaw a, i thupêk chu an pawm naw a,

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thaw a, i thupêkhai an pawm naw a, i rorêlna kalin thil an suksuol a; (miin an zâwma an hringpui ding chu); chun, an tukhnungkhur an innghat a, an insukkâwmaw a, an ngai nuom naw a.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achunghnungtak i nih ti an hriet theina dingin.

FESUOKNA 18:11

Tuhin pathienhai po po nêkin Lalpa chu a ropui lem ti ka hriet, chapotaka anni an sawisak lai ngeia Aigupta mihai kut hnuoia inthawka a mihai chu a sansuok leiin,” a ti a.

FESUOKNA 3:20

Chun, keiin ka kut inlet ka ta, ka thilmakhai po po chu anni lai ngeia thawin, Aigupta chu hung suksieng ka tih: chu hnunga ruok chun infetir a ti cheu.

FESUOKNA 5:2

Pharao chun, “Israelhai infetir dinga a râwl ka ngai ding Lalpa chu tûm a na? Lalpa chu ka hriet ngai naw a, chu nawa khawm, Israelhai chu infetir naw bawk ka tih,” a ti a.

FESUOKNA 7:1

Chun, Lalpain Mosie kuomah, “En ta, Pharao kuoma chun Pathien angah ka siem che a; chun, i unaupa Aron chu i zâwlnei nîng a tih.

FESUOKNA 9:16

nisienlakhawm, hi thilthaw kawng ngeihaia hin ka thilthawtheinahai chu nangmaa inentir a ni theina ding le khawvêl po poa ka hming chu puongdar a ni theina dingin ka la dawmngir zing che a ni hi.

ISAI 42:20

Thil tamtak i hmu a, nisienlakhawm, i lungrilah i vawng zing ngai naw a, nahai chu ân âwng a, anachu a hriet ngai nawh.

ISAI 63:12

A bân ropuitak Mosie changtienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

ISAI 63:14

Ruoma ran zu fehai angin Lalpa thlarau chun anni chu ân châwltir a, chuong ang chun, hming ropuitak în siemna dingin, i mihai chu i ṭhuoi kha,” tiin.

JEREMIA 32:20

ama chun vawisûn ni chen hin Aigupta rama chun inchiknahai le thilmakhai chu a thaw a, Israel rama le mi danghai kuoma khawm; vawisûn nia ang hin ama chun hming a siempêk che a.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnamhai mithmua, hrilsiet ka ni nawna dingin, ka thaw a.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

DANIEL 9:15

Tuhin, aw Lalpa kan Pathien, Aigupta rama inthawka i mihai kut hrâttak leh hung ṭhuoi suoka, vawisûn ni chena hming inthangna changtu, kan lo suksuol ta a, rilotakin kan lo thaw tah a nih.

THILTHAWHAI 7:36

Ama chun Aiguptaa dâm, Tuipui Sena dâm, thlalêra dâm chun kum sâwmli sûngin thilmak le inchiknahai inhmutirin anni a ṭhuoi suok ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:17

Pathien Lekha Thuin Pharao kuomah, “Ahi lei ngawt hin ka tungding che a nih, nangmaa chun, ka thilthawtheina kân entir theina ding le khawvêl po poa ka hming ân thang theina dingin,” a ti si a.

DÂN PAHNINA 4:34

Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

DÂN PAHNINA 7:19

fiena nasatakin in mit ngeia in hmuhai, inchikna dâm, thilmak dâm, kut hrâttak dâm, bân phar dâma Lalpa in Pathienin a ṭhuoi suokna cheu kha; khâng ang khan Lalpa in Pathienin in mi ṭihai chunga chun thaw pei a tih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.