NEHEMIA 8:8 - Pathien Lekhabu Inthieng (BSI)

⁸ Chun, Lekhabu Pathien Dân bua mi chu fietakin an tiem a; a umzie an hrilfie a, chuongchun, an tiem chu an inhriettir pei a.

NEHEMIA 8:8 Iomraidhean Croise

2 LALHAI 23:2

Chun, lal chu Judai rama mi po po leh, Jerusalem khuoa mi po po leh, thiempuhai le zâwlneihai leh, mipuihai po po le chun, a chîn a lienin Lalpa ina chun an hang fe a; chun Lalpa ina an lekhabu hmua thuthlung bua chuong po po chu an na hrieta chun a tiem a.

EZRA 4:18

Kan kuoma lekhathawn in hung inphur kha ka hma ngeiah chiengtaka tiem a ni ta a.

NEHEMIA 8:12

Chuongchun, thu a hrilfie chu an hrietthiem leiin mipui po po chu fa ding dâmin, dâwn ding dâmin, mi dang chanpuol thawn ding dâmin, hlimtaka um ding dâm chun an ṭîn ta vawng a.

NEHEMIA 8:7

Jesua, Bani, Serebia, Jamin, Akkub, Sabbethai, Hodia, Maaseia, Kelita, Azaria, Zojabad, Hanan, Pelaia, Levi mihai chun mipuihai kuomah Dân an hrilfie a: mipuihai chu an ngirhmuna chun an um zing a.

NEHEMIA 8:9

Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi Lalpa in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an ti a. Dân thu chu an hrietin mipui po po chu an ṭap an ṭap el si a.

NEHEMIA 9:3

Chun, mâni hmun sengah an ngîr a, chu ni hmun lia ṭhea hmun khat sûng chun Lalpa an Pathien dân bu an tiem a; chun, hmun lia ṭhea hmun khat dang sung chun thupha an chawi a, Lalpa an Pathien chu an biek a.

EZEKIEL 46:10

An lût pha chun, lal chu anni le chun a lût ding a na, chun, an suok pha khawma, anni ruolin a suok ding a nih.

HABAKKUK 2:2

Chun, Lalpa chun a mi hung dawn a, “Inlârna thu chu ziek la, Lungphêkhai chunga chun fietak elin, A tiemtu chun tlân puma a tiem theina dingin.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

LUKA 24:32

chun, anni chun, “Lampuia a mi biek laia Pathien Lekha Thuhai a mi hrilfie lai khan ei lungril a har huoi hrim naw am a ni kha?” an in ti a.

LUKA 24:45

Chuongchun, Pathien Lekha Thu hrietna dingin an lungvar a sukvar ta a,

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.