NEHEMIA 8:6 - Pathien Lekhabu Inthieng (BSI)

⁶ chuongchun, Ezra chun Lalpa Pathien ropuitak chu ân pâk a; chun, mipui po po chun an bân pharin, “Amen, Amen,” tiin an lo dawn a; chun, an kûn a, an hmaia hnuoi sikin Lalpa chu chibai an bûk a.

NEHEMIA 8:6 Iomraidhean Croise

INṬANNA 14:22

Abram chun Sodom lal kuoma chun, “Hnuoi le vân neitu Lalpa Pathien Chunghnungtak tieng chun ka bân ka phar tah a nih;

INṬANNA 24:26

Chuongchun, siehlaw chun a lu a kûn a, Lalpa chu chibai a bûk a.

1 CHANCHIN SUINA 16:36

Lalpa Israelhai Pathien chu inpâkin um raw se. Chatuona inthawka chatuon chenin. Chun, mipui po po chun, “Amen,” an lo tih a, Lalpa an inpâk ta a.

1 CHANCHIN SUINA 29:10

Chuleichun, David chun mipui inkhâwmhai po po hmaa chun Lalpa chu ân pâk a; David chun a hril a, “Aw Lalpa, kan thlatu Israel Pathien, chatuon chatuonin nang chu inpâkin um la;

1 CHANCHIN SUINA 29:20

Chun, David chun, mipui inkhâwmhai po po kuoma chun, “Tuhin Lalpa in Pathien chu inpâk ro,” a ta. Chuongchun, mipui inkhâwmhai po po chun Lalpa an thlatuhai Pathien chu an inpâk a, an luhai an kûn a, lal le Lalpa chu chibai an bûk ta a.

2 CHANCHIN SUINA 20:18

Chun, Jehosaphat chu a hmaia hnuoi sikin a lu a kûn a, chun, Juda mi po po le Jerusalema chêngtuhai chu Lalpa hmaa chun an bawkkhup a, Lalpa chibai an bûk a.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

2 CHANCHIN SUINA 29:30

Chu nawa khawm lal Hezekia le hotuhai chun Levi mihai chu Zâwlnei Asaph le David hla phuok chun Lalpa inpâkna chu sak dingin thu an pêk bawk a. Chun, lâwmtakin inpâkna hla chu an sak a, an luhai an kûn a, chibai an bûk a.

2 CHANCHIN SUINA 6:4

Chun, ama chun a hril a, “Israelhai Pathien Lalpa chu inpâkin um raw se, ka pa David kuoma a baua thu lo hril a, a bânhaia lo sukpuitlingtu chu:

NEHEMIA 5:13

Ka dierkei chu ka thin a, “Hi thutiem anga thaw naw taphawt chu Pathien chun a ina inthawk le a sinthawa inthawkin hieng ang hin thinthla raw se; hieng anga thin thlâkin um sienla, sukruokin um raw se,” ka ti a. Chun, a pungkhâwmhai po po chun, “Amen,” an ti a, Lalpa an inpâk a. Chun, mipuihai chun chu thutiem ang chun an thaw ta a.

NEHEMIA 8:7

Jesua, Bani, Serebia, Jamin, Akkub, Sabbethai, Hodia, Maaseia, Kelita, Azaria, Zojabad, Hanan, Pelaia, Levi mihai chun mipuihai kuomah Dân an hrilfie a: mipuihai chu an ngirhmuna chun an um zing a.

INPÂKNA HLABU 134:2

In kuthai chu hmun inthieng tienga chun phar unla, Lalpa chu inpâk ro.

INPÂKNA HLABU 141:2

Ka ṭawngṭâina hi thil riminhniktak angin i hmaah suksuokin um sienla, Ka kut phar hi zântienga inthawina angin um raw se.

INPÂKNA HLABU 28:2

Ka ko che a, ka kuthai hi i biekna hmun inthieng tieng ka phar chun, Lunginsiet ka hnina râwlhai hi lo ngai rawh.

INPÂKNA HLABU 41:13

Lalpa, Israel Pathien chu, Chatuona inthawka chatuon chenin inpâkin um raw se, Amen, Amen.

INPÂKNA HLABU 63:4

Chuong ang chun ka dam sûng po po chun inpâk ka ti che a, I hmingin ka kuthai phar ka tih.

INPÂKNA HLABU 95:3

Lalpa chu Pathien ropuitak a ni si a, Pathien po po chungah Lal ropuitak a nih.

FESUOKNA 12:27

‘Aigupta mihai a sukhlum a, ei inhai a sanhim laia, Aigupta rama Israel mihai inhai fekântu, Lalpa Fekân inthawina chu a nih,’ tîng in tih,” a ti a. Mipui chun an lu an suk a, chibai an bûk ta a.

FESUOKNA 4:31

Mipui chun an ring ta a: Lalpa chun Israel mihai chu a hung sir ta a, an rimsik tuorna chu a hmu tah ti an hriet chun, an luhai an kûn a, chibai an bûk ta a.

JEREMIA 28:6

zâwlnei Jeremia ngei chun a hril a, “Amen: Lalpa chun chuong chun thaw raw se; Babulona inthawka hi hmuna, sala lo intânghai po po le, Lalpa ina bûr le bêlhai chu hung la kîr dingin, i thuhril chu Lalpa chun thaw raw se.

ṬAP HLA 3:41

Vânhaia Pathien kuoma chun ei kuthai leh ei lungril chu chawisâng vêng ei tiu.

LEVI DÂN 9:24

Lalpa hmaa inthawk chun mei a hung suok a, pumrawhmang thilinhlân le a thâuhai chu maichâma chun a kâng hmang ta a; chu chu mipui po poin an hmu chun an khêk dur dur a, an bawkkhup ta ṭhuop a.

MATTHAI 26:39

Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni lovin, nangma thu thu ni lem raw se,” tiin a ṭawngṭai a.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

1 KORINTH 14:16

Chuong naw chun, thlarauin mal sâwmpêk la khawm, a hrenawhai umnaa um chun i lâwmthu hrila chun iengtin am “Amen” ti thei a ta, i thu hril chu hre thei si lovin?

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

1 TIMOTHE 2:8

Chuongchun, pasalhaiin hmun tinah kut inthieng pharin, lunginsen lo le insêl lovin ṭawngṭai hai sienla ka nuom a nih.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

THUPUONGSUO 7:11

Chun, vântirko po pohai chu lalṭhungpha le upahai le thilhring palihai vêla chun ngîrin an um a; chun, lalṭhungpha hmaa chun bawkkhupin.