NEHEMIA 8:2 - Pathien Lekhabu Inthieng (BSI)

² Chuongchun, thla sarina, ni khat niin thiempu Ezra chun pungkhâwmhai nutling, patling le a hrethiem thei chin po po hmaa chun Dân chu a hung chawi a.

NEHEMIA 8:2 Iomraidhean Croise

NEHEMIA 10:29

an unauhai, an mi lienhai chu an chel tlat a, ṭawngsephur dinga inkhâm rauin thu an tiem a; Pathien siehlaw Mosie pêk Pathien Dân zâwm dinga Lalpa ei Lalpa thupêkhai po po le a rorêlnahai le a thuruothai chu zâwm ve vawng a;

NEHEMIA 13:1

Chu ni chun mipui na hrieta chun Mosie lekhabu an tiem a; chutaka chun Ammon mihai le Moab mihai chu Pathien mihai inkhâwmnaa chun ieng lai khawmin an ṭhang ve dêr ding a ni nawh ti hi a chuong a;

NEHEMIA 8:18

ni tin a ṭantir nia inthawka a tâwp chenin Pathien Dân bua mi an tiem bawk a. Ruoiṭhe chun ni sari an aw a; chun a ni riet ni chu thupêk anga a ṭumṭiekna ni chu a nih.

NEHEMIA 8:9

Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi Lalpa in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an ti a. Dân thu chu an hrietin mipui po po chu an ṭap an ṭap el si a.

NEHEMIA 9:1

Chuongchun, chu thla ni sâwmhni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

ISAI 28:9

Hrietna tieng chu tu hîm ân chûktir ding a ni leh? Thucha chu tu hîm ân hriettir ding a ni leh? Nene nêk bân chauhai le nêne innêktir ta lohai hîm an ni ding?

LEVI DÂN 23:24

“Israel mipuihai chu hril la, an kuomah, ‘Thla sarina, chu thla ni khat ni chu in ta dingin ursûntaka insera châwlna, tawtawrâwt mûta hrietzingna, inkhâwmpui inthieng nîng a tih.

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

NAMBAR 29:1

“Thla sarina, a ni khat ni chun inkhâwmpui inthieng nei in ta; ieng sin khawm in thaw ding a ni nawh; in ta dinga tawtawrâwt mût ni a ni ding a nih;

THILTHAWHAI 15:21

Mosien inhmaa inthawk tah khaw tinah a thu khêkpuitu a nei hlak si a; inkhâwmna inahai Châwlni taphawt chun a thu chu tiem a ni hlak kha,” a ta.

DÂN PAHNINA 17:18

Chun, a ram lalṭhungphaa a ṭhung pha chun, Levi thla thiempuhai hmaah dân bu chu a ta dingin inziek sâwngtir a ta,

JOSUA 8:35

Mosie thupêk ang po po chu Israel pungkhâwm po pohai le nuhmeihai le naupang chite tehai le anni laia hnam dang chêng vehai hrieta chun Josua chun tiem ṭhel hrim hrim a nei nawh.