NEHEMIA 8:15 - Pathien Lekhabu Inthieng (BSI)

¹⁵ an ziek anga, “Tlângah fe unla, oliv kauhai, oliv hlêm kauhai le inhmui kauhai, intûm kauhai dâm, thing lien taktak kauhai chu sâwlbûk bâwlna dingin va la ro,” tiin an khuo po poa le, Jerusalem khuoa chun an hrildar ding thu le, puong vêl ding a ni thu dâm chu an tiem a.

NEHEMIA 8:15 Iomraidhean Croise

INṬANNA 8:11

vaṭhu chu zântieng chun a kuomah a hung lût nâwk a; chun, ngai ta, oliv hna suktlawng hlim a hmûra chun a hung put a: chuongchun, Noa chun hnuoiah tui a tlâwm tah ti a hriet a.

LEVI DÂN 23:4

Lalpa ruoiṭhe hunbi, inkhâwmpui inthieng, a hun tak peia in siem dinghai chu hieng hi an nih.

LEVI DÂN 23:40

A ni khat ni chun thing kûng mawi tak tak rahai, intûm kâuhai, thing inbuktak zârhai, vadunga phahrâm kâuhai chawi in ta, Lalpa in Pathien hmaa chun ni sari sûng in insukhlim ding a nih.

ZEKARIA 1:8

“Zâna hin thil ka hmu a, mi pakhat sakawr sen chunga chuong hi ka hmu a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

MATTHAI 21:1

Chun, Jerusalem an tlung dinga Bethphage khuo, Oliv tlâng chu an tlung chun Isûn a închûktirhai pahni a tir a,

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.

DÂN PAHNINA 16:16

Kum tin nangni laia pasal po po chu vawi thum Lalpa hmaa hmun a la ruot dinga chun an inlang ding a nih. Chawlṭhanglo bei ruoiṭhea dâm, châwlkâr ruoiṭhea dâm, bâwkte ruoiṭhea dâm.

THUPUONGSUO 7:9

Chu hnunga chun ka hang en a, chun, ngai ta, mipui nasatak tûkhawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmu a;