NEHEMIA 8:12 - Pathien Lekhabu Inthieng (BSI)

¹² Chuongchun, thu a hrilfie chu an hrietthiem leiin mipui po po chu fa ding dâmin, dâwn ding dâmin, mi dang chanpuol thawn ding dâmin, hlimtaka um ding dâm chun an ṭîn ta vawng a.

NEHEMIA 8:12 Iomraidhean Croise

1 CHANCHIN SUINA 29:22

chu ni chun hlimna nasatak leh Lalpa hmaa chun an dâwnin an fâk ta a. Chun, David naupa Solomon chu a ṭum hninaa chun lal dingin an siem nâwk ta a, ama chu hotu ni dingin le Zadok chu thiempu dingin Lalpa hmaa chun hriek an nâl ta a.

NEHEMIA 8:10

Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, iengkhawm buotsai nei lohai ta dingin chanpuol inphur unla, vawisûn ni hi ei Lalpa ta dinga ni inthieng a ni hi; lungngaiin um naw ro, Lalpaa lâwmna chu in hrâtna a ni si a,” a ta.

NEHEMIA 8:11

Chuongchun, Levi mihai chun, “To ṭawk ṭawk ro khai, vawisûn hi ni inthieng a ni si a; lungngai khawm lungngai nuom naw ro,” tiin, mipui po po chu an sukto ta ṭhuop el a.

NEHEMIA 8:13

Chun, a ni hni ni chun sûngkaw tinrênga a luhai dâm, thiempuhai dâm, Levi mihai chu Dân thu inchûk ding bawk chun lekhaziektu Ezra kuoma chun an fe khâwm a.

ESTHER 9:22

chuong nihaia chun Juda mihai chun an hmêlmahaia inthawka châwl an neina nihai a ni lei le, chu thla chu an ta dinga lungngaina lâwmnaa inchangna le ṭapna ni ṭhaa inchangna thla a ni leiin: hlimna le ruoiṭhena ni, chanvohai inphurtuona ni le, mi pasiehai kuoma thilpêkhai pêkna nihaiah an nei ding thu a pêk a.

JOB LEKHABU (THE BOOK OF JOB) 23:12

A hmûrhaia inthawka thupêkhaia inthawk chun ka fe pêt ngai naw a, Ka fâk ding pawimaw nêka nasa lemin a baua thuhai chu ka sie khâwl lem a.

INPÂKNA HLABU 119:111

I thuinhriettirhai chu kumkhawtluonga ka ro dingin ka lâk a, Ka lungril suklâwmtu a ni si a.

INPÂKNA HLABU 119:127

Chuleiin, i thupêkhai chu rângkachak nêkin ka ngaina a nih, Anih, rângkachak inthieng nêk khawma.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiemtir hlak.

INPÂKNA HLABU 119:14

I thuinhriettir kawnga chun ka hlim a, Hausakna po poa ka hlim ang elin,

INPÂKNA HLABU 119:16

I thuruothai chunga chun lâwm ka ta, I thu chu theinghil naw ning.

INPÂKNA HLABU 119:171

Ka hmûr hin inpâkna thu hril raw se, Nangin i thuruot thuhai chu i mîn chûktir hlak leiin.

INPÂKNA HLABU 119:174

Aw Lalpa, i sandamna chu ka châk hlak a, I dân chu ka lâwmna a nih.

INPÂKNA HLABU 119:72

Rângkachak le tangka sâng tamtak nêk chun, I baua dân suok chu ka ta dingin a ṭha lem.

INPÂKNA HLABU 119:97

Aw, i dân hi ka va ngaina de aw! Sûnnithlâka ka ngaituo hlak chu a nih.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

LUKA 24:32

chun, anni chun, “Lampuia a mi biek laia Pathien Lekha Thuhai a mi hrilfie lai khan ei lungril a har huoi hrim naw am a ni kha?” an in ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:18

Keimaa hin, chu chu ka tisaa hin tina a nih, thil ṭha hrim a um nawh ti ka hriet, thil ṭha thaw nuomna chu keimaah a umdea chu, thil ṭha thawna chu a um si naw a.

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.