NEHEMIA 8:10 - Pathien Lekhabu Inthieng (BSI)

¹⁰ Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, iengkhawm buotsai nei lohai ta dingin chanpuol inphur unla, vawisûn ni hi ei Lalpa ta dinga ni inthieng a ni hi; lungngaiin um naw ro, Lalpaa lâwmna chu in hrâtna a ni si a,” a ta.

NEHEMIA 8:10 Iomraidhean Croise

1 LALHAI 8:66

A ni riet ni chun mipuihai chu ân ṭintir a; chun, lal chu mal an sâwm a, chuongchun, Lalpain a siehlaw David le a mi Israelhai chunga a ṭhatna chuong zozai ân langtir lei chun lungril hlim le lâwmtakin an in tieng an fe tâwl ta a.

1 CHANCHIN SUINA 16:27

Chawimawina le ropuina a hmaah an um a, Hrâtna le hlimna chu a hmun inthiengah an um.

NEHEMIA 8:11

Chuongchun, Levi mihai chun, “To ṭawk ṭawk ro khai, vawisûn hi ni inthieng a ni si a; lungngai khawm lungngai nuom naw ro,” tiin, mipui po po chu an sukto ta ṭhuop el a.

NEHEMIA 8:12

Chuongchun, thu a hrilfie chu an hrietthiem leiin mipui po po chu fa ding dâmin, dâwn ding dâmin, mi dang chanpuol thawn ding dâmin, hlimtaka um ding dâm chun an ṭîn ta vawng a.

ESTHER 9:19

Chuleiin, khaw kul neilova umhai Juda khuoa mihai chun Adar thlaa ni sâwmpali ni chu lâwmna le ruoiṭhena le, ni ṭhaa le, thilpêk inthawn niah an hmang ta a.

ESTHER 9:22

chuong nihaia chun Juda mihai chun an hmêlmahaia inthawka châwl an neina nihai a ni lei le, chu thla chu an ta dinga lungngaina lâwmnaa inchangna le ṭapna ni ṭhaa inchangna thla a ni leiin: hlimna le ruoiṭhena ni, chanvohai inphurtuona ni le, mi pasiehai kuoma thilpêkhai pêkna nihaiah an nei ding thu a pêk a.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 89:17

Nang chu an hrâtna ropuina i ni si a, I ditsakna leiin kan ki hi chawimawiin um a tih.

THUVARHAI 17:22

Lungril hlim chu damdawi ṭha a na, Lungril serawp ruok chun ruhai a sukṭâwl hlak.

THUHRILTU 11:2

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si naw a.

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

THUHRILTU 3:13

Chun, mi tinin a sinthaw inrimna po poa thil ṭha a chêna, a dâwna a fâk chu Pathien thilthlâwnpêk a nih.

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

ISAI 49:5

Tuhin chu Lalpa, Jakobhai a kuoma ṭhuoi nâwkna ding le, Israelhai a kuoma ṭhuoi khâwma an umna dingin siehlawa um dinga sula inthawka mi thlangtu chun a hril a, (Lalpa mithmu chun mi inzaum ka ni si a, ka Pathien chu ka hrâtna a ni ta bawk a) anih,

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

ZEKARIA 14:21

Anih, Jerusalema bêl tinhai le, Juda rama bêl tinhai chu sipaihai Lalpa ta dinga inthieng ni vawng tâng an tih; chun, mi inthâwihai po po chu hung an ta, hung lâng an ta, chu chun suong an tih; chun, chu nia chun sipaihai Lalpa ina chun Kanaan mi ti bîk khawm um ta naw nih.

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

2 KORINTH 8:2

khânga rinuma fiena nasatak puma an hlimna a liem le an rimsikna nasatak chu an tiktlaina nasataka ân chang tâkzie kha.

PHILIPPI 3:4

Nuom lang lem chu kei khawm taksa chunga ringna innghat thei ka nih in sawnnaw. Mi dang hrim hrimin taksa chunga ringna innghatna neia an inngai chun, kei kân ngai nâwk zuol a nih.

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.

1 SAMUEL 25:8

I tlangvâlhai indawn la hril el an ti che; chuleiin, tlangvâlhai hi lo lunginsiet rawh, a remchâng ni takin kan hung tlung a ni hi; i nei ang ang chu i siehlawhai le i naupa David hi lo pe ta, a ti a,’ va ti ro,” a ta.