NEHEMIA 8:1 - Pathien Lekhabu Inthieng (BSI)

¹ Chun, mi po po chu lungril hmunkhatin Tui kawtkhâr zâwn hmun lienna laia chun an fe khâwm a; chun, lekhaziektu Ezra chu Lalpain Israelhai zâwm dinga thu a pêk Mosie Dân bu chu hung chawi dingin an hril a.

NEHEMIA 8:1 Iomraidhean Croise

2 LALHAI 23:2

Chun, lal chu Judai rama mi po po leh, Jerusalem khuoa mi po po leh, thiempuhai le zâwlneihai leh, mipuihai po po le chun, a chîn a lienin Lalpa ina chun an hang fe a; chun Lalpa ina an lekhabu hmua thuthlung bua chuong po po chu an na hrieta chun a tiem a.

2 CHANCHIN SUINA 34:15

Chun, Hilkia chun a dawn a, lekhaziektu Saphan kuoma chun, “Lalpa ina chun dân lekhabu chu kan hmusuok tah,” a ta. Chuongchun, Hilkia chun lekhabu chu Saphan kuoma chun a pêk ta a.

2 CHANCHIN SUINA 34:30

Chun, lal chu Lalpa ina chun a hang fe a; Juda rama mi po pohai le Jerusalema chêngtuhai le, thiempuhai le Levi mihai le, mi po po a chîn a lienin an hang fe ve a; Lalpa ina thuthlungna lekhabu hmua um sûnga thuhai po po an na hrieta chun a tiem ta a.

EZRA 7:1

Hieng thilhai hnunga hin, Persia lal Artazerzia rorêl lai chu, Seraia naupa Ezra, Azaria naupa, Hilkia naupa,

EZRA 7:10

Ezra chun Lalpa dân inchûka zâwm tlat ding le, a dânhai le thupêkhai chu Israel rama chun inchûktir a lungrilin a tum tlat a.

EZRA 7:11

Hi hi Lalpa thupêk le Israelhai kuoma a thuruot thuhai ziektu, thiempu le lekhaziektu Ezra kuoma lal Artazerziain lekha a pêk zieksâwng chu a nih,

EZRA 7:6

hi Ezra hi Babulona inthawk chun a hang fe a: Israel Pathien Lalpain a pêk Mosie dân ziek thiem mi a na; chun, lal khawm chun a Pathien Lalpa kut a chunga a um ang pei chun a hni taphawt chu a phalpêk a.

NEHEMIA 12:26

Hienghai hi Jesua, Jozadak naupa Joiakim dam laia mi le ram awptu Nehemia le Ezra, thiempu le lakhaziektu dam laia mi an nih.

NEHEMIA 12:37

Chun, tuikhur kawtkhâr an tlungin kul hang kai ṭannaa an hmazâwn David khaw kailâwna hang fein David in saka chun an fe a, saktieng panga Tui kawtkhâr tlung rakin.

NEHEMIA 3:26

Nethinimhai Ophela umhai chun saktieng panga Tui kawtkhâr zâwn chen le, in insâng va lawr chen khan an siem ṭha a.

NEHEMIA 8:16

Chuong ang chun mipuihai chu an va fe a, mi po poin an in chunghaia dâm, an kawthaia dâm, Pathien in kawta dâm, Tui kawtkhâr hmun lienna laia dâm, Ephraim kawtkhâr hmun lienna laia dâm sâwlbûk an bâwl seng a.

NEHEMIA 8:3

Chutaka mi chu Tui kawtkhâr hmazâwn hmun lienna laia chun nutling, patling le a hrethiem thei chinhai lai zîngtienga inthawkin sûn chenin a tiem a; mi po po chun Dân bu thua chun an na an sit ṭhuop el a.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

LEVI DÂN 9:5

Chun, Mosiein thu a pêk ang chun intuokna puon in tuola chun an hung kei a; chun, mi po po chun an va hnai a, Lalpa hmaa chun an va ngîr a.

MALAKI 4:4

“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 23:2

“Dân inchûktirtuhai le Pharisaihai chu Mosie ṭhungphaah an ṭhung hlak.

MATTHAI 23:34

“Ngai ta u, chuleichun, in kuomah zâwlneihai, mi varhai, inchûktirtuhai, ka hung tir ding a nih; ṭhenkhat sukhlum in ta, krawsah hemdêng in tih, ṭhenkhat inkhâwmna inhaiah savun hruiin vuong in ta, khaw tinah suknawmna zui pei in tih.

DÂN PAHNINA 31:11

hmun a la ruot dinga Israel mi po po Lalpa in Pathien hmaa an hung inlang pha hi dân hi Israel mi po po hrietah in tiem ding a nih.

RORELTUHAI 20:1

Chuongchun, Israel thlahai po po chu an inthawk tâwl ta a, thukhat chelin, Dan khuoa inthawka Beer-seba chenin, Gilead rama mihai leh, Mizpaah Lalpa kuomah an inkhâwm ta a.

RORELTUHAI 20:8

Chuongchun, mipui po po chu thukhat chelin an tho ṭhuop a, “Tukhawm mâni puon in tieng fe nâwm ei nih, tukhawm mâni ina khawm lût naw bawk ei tiu.