NEHEMIA 7:3 - Pathien Lekhabu Inthieng (BSI)

³ Chun, an kuomah, “Jerusalem kawtkhârhai hi nisa inkâng hma chun hawng ni naw sienla; vêngtuhai an la ngir laiin kawthai chu khârin kal tlat raw hai se; chun, Jerusalema umhai laia mi vêngtuhai ruot unla, mi tin mâni ngîr hmun hmunah, mi tin mâni in zâwn sengah,” ka ti a.

NEHEMIA 7:3 Iomraidhean Croise

NEHEMIA 13:19

Chun, châwlni dinga Jerusalem kul kawtkhâr ân thim deu hlek phingleh kawtkhârhai chu khâr dingin thu ka pêk a; chun, châwlni a bo hmakhat chun hawng lo dingin thu ka pêk bawk a; châwlnia thil phur hrim hrim an lâklût nawna dingin ka mihai ṭhenkhat chu kawtkhâr kân vêngtir a.

NEHEMIA 3:23

Anni dawta chun Benjamin le Hassub chun anni in zâwn chu an siem ṭha a. Anni dawta chun Anania nau Maaseia naupa Azaria chun ama in kâwl chu a siem ṭha a.

NEHEMIA 7:2

ka unau Hanani le, kulbîng hotu Hanania chu Jerusalem chu kân awptir a; mi ringumtak, mi dang tamtak nêka Pathien ṭi mi a na.

NEHEMIA 7:4

Khuo chu a lienin ân dar hle si a, a mi umhai chu an tlâwm hle a, inhai khawm chu la bâwl lo an ni tâwl si a.

INPÂKNA HLABU 127:1

Lalpain in a bâwl naw chun, A bâwltuhai chu an inrim thlâwn el a nih: Lalpain khawpui a vawngṭha naw chun, A vêngtu chu a meng thlâwn el a nih.

INPÂKNA HLABU 147:13

Ama chun i kul kawtkhârhai kalna thingtluonhai chu a sukngar a, I sûnga i nau le te umhai chu mal a sâwm si a.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.