NEHEMIA 7:1 - Pathien Lekhabu Inthieng (BSI)

¹ Chun, kulhai chu kan siem a, kawtkhârhai chu ka rem ta a, kawtkhâr vêngtuhai, hla saktuhai, Levihai ruot an ni zo chun,

NEHEMIA 7:1 Iomraidhean Croise

2 LALHAI 7:10

Chuongchun, khaw kawtkhâr vêngtu chu an va ko a, “Suria mihai riekhmunah kan va fe a; chun, ngai ta, tukhawm an lo um naw a, mihriem riva hrim hrim khawm a um naw a, sakawrhai le sabengtunghai chau a lo inthlung a, puon inhai khawm chu a um ngai ngaiin a um zing el,” tiin an hril a.

2 CHANCHIN SUINA 31:2

Hezekia chun an pâwlhai ang peiin thiempuhai le Levi mihai chu an pâwl a ruotpêk a; mi tin an sinthaw ang peiin, thiempuhai le Levi mihai chu Lalpa bûk dai kawtkhârhaia inpâk a, lâwmthu hril a, rawngbâwl a, inremna thilinhlânhai le pumrawhmang thilinhlânhai chu thaw dingin.

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

NEHEMIA 10:39

Israel mipuihai le Levi naupasalhai chun bu le uoin le hriek a thêna thêna thilinhlân hmun inthieng bûr-le-bêl le rawngbâwltu thiempuhai, kawtkhâr vêngtuhai dâm, hlasaktuhai umna pindana chun an sie ding a nih; chuong ang chun a nih, kan Pathien in chu thlathlam lo dinga dân kan insiempêk chu.

NEHEMIA 11:3

Hienghai hi chu rama Jerusalema hotu umhai chu an nih: amiruokchu, Juda rama khuoahai chun, an khuoa mâni chan ding sengah an um a; chuonghai chu Israel mihai, thiempuhai, Levi mihai, temple siehlawhai le Solomon siehlaw thlahai chu an nih.

NEHEMIA 12:24

Chun, Levi chia a luhai: Hasabia, Serebia, Kadmiel naupa Jesua le an unau, Pathien mi David thupêk anga a pâwl pâwla inkhienga inpâk le lâwmthu hril dinghai leh.

NEHEMIA 6:1

Chun, Sanballat le Tobia le Arab mi Gesem le kan hmêlma dang hrim hrimhaiin kulhai ka siem a, a chimna lai hrim hrim a um ta nawh ti an hang hriet chun, (amiruokchu, chuong lai chun kawthaia chun kawtkhârhai chu ka la rem naw a),

NEHEMIA 6:15

Chuongchun, kul chu ni sâwmnga le ni hniah, Elul thla ni sâwmhni panga niin zo a ni ta a.

NEHEMIA 6:19

Ka hrieta chun a thilthaw ṭhahai chu an hril hlak a, ka thu hrilhai a kuoma chun an intlun bawk hlak. Chuongchun, Tobia chun mîn ṭhi dingin lekha dâm chu a hung thawn hlak a nih.