NEHEMIA 6:9 - Pathien Lekhabu Inthieng (BSI)

⁹ “An sinthaw chu an puitling thei nawna dingin an kuthai chu suksietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung sukhrâtpêk raw aw.

NEHEMIA 6:9 Iomraidhean Croise

2 CHANCHIN SUINA 15:7

Amiruokchu, insukhrât unla; inthlada naw ro, in sinthaw chu lâwmman pêk in ni ding a ni si a,” tiin.

2 CHANCHIN SUINA 32:18

Chun, khawpui chu an lâk el theina dingin Jerusalema mi umhai, kula umhai chu suklâu ding le, sukbuoi dingin Juda ṭawngin râwl inringtakin an khêk khum a.

EZRA 1:6

Chun, an vêla mi po pohai chun, inhâwktaka an inhlân po po bâka chun, tangka dâm, rângkachak dâm, thuomhnawhai dâm, ranhai dâm le thil hlutakhaiin an kuthai chu an sukhrât a.

NEHEMIA 6:14

Aw ka Pathien, Tobia le Sanballat hi an thilthaw ang pei hin hre zing rawh, zâwlneinu Noadia le zâwlnei dang mi sukṭi tumtuhai po po le hin.

INPÂKNA HLABU 138:3

Ka ko ni che khan nangin i mi dawn a, Ka hringna sukhrâtin i mîn fui a,

INPÂKNA HLABU 56:3

Ka ṭit châng po leh, Nangmaah ka ringna kân nghat a;

INPÂKNA HLABU 68:35

Aw Pathien, i hmun inthienghaia inthawk chun ṭi i um a; Israelhai Pathien, ama ngei chun a mihai kuomah hrâtna le thilthawtheina a pêk hlak. Pathien chu inpâkin um raw se.

INPÂKNA HLABU 71:1

Aw Lalpa nangmaa chun ka ringna kân nghat hlak a, Iengtika khawm muolphoin mîn umtir naw rawh.

ISAI 40:29

Châuhai kuoma chun thilthawtheina a pêk hlak a; hrâtna hrim nei nawhai chu a sukhrât hlak.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

JEREMIA 38:4

Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng naw a, sietna ding a zawng lem a nih”, an ta.

EZEKIEL 30:24

Babulon lal kuthai chu sukhrât ka ta, ka kâwlhnâm chu a kutah sieng ka tih; nisienlakhawm, Pharao bânhai chu suktliek ka ta, ama hmaa chun mi thi khawp raua hliem inrûmin inrûm a tih.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

EPHESI 3:16

A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 4:13

A mi sukhrâttu Krista zâra chun iengkim ka thaw thei a nih.

HEBRAIHAI 12:12

Chuongchun, kut kaithlahai chu dawm kâng unla, khûp zawihai chu sukhrât ro;

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienlakhawm, David chu a Pathien Lalpaa chun ân sukhrât a.